مساء الخير دكتوره انا نزلت موضوع اسأل فيه عن حالة ولدي عمره 18 يوم بس للاسف تقفل قبل لااحد يرد علي مع اني كنت مستعجله على الرد لان حالة ولدي بأزدياد وهذا هو الموضوع
السلام عليكم ورحمة الله وبركاته
دكتوره
انا امس بالاسعاف لان ولدي وعمره 18 يوم كان مايقوى يتنفس اذا جا يرضع من الزكام ولايقدر ينام لانه مايقوى ياخذ نفس بسهوله واعطتني الدكتوره قطره لخشمه ( انفه ) عشان يقدر يتنفس
واخذوا عينه من دمه عشان يقيسون نسبة الصفار وقالت ان نسبته 185 استغربت من النتيجه لاني اقرا هنا اذا كانت فوق 24 يغيرون له الدم ؟؟؟
بس قالت لي انه اقل من انه يحتاج اللمبه
واليوم الاحظ ان رضعته ماقام يكملها يشرب نصها او ربعها ويوقف
يعني على قد مايسكت جوعه بس المشكله ان معه صفار يعني علىكلام الدكتوره اني لازم اكثر عليه سوائل وفوق كذا صايره كحته مو مثل امس جافه لا صايره فيها بلغم بس مايطلع
تكفون قولولي وش اسوي له
بس جالسه اطالع بوجهه واصيح ياقلبي صغير على المرض
الان الكحه لها 3 ايام اول كانت جافه وزكمه بس ولكن الان معها بلغم شديد لدرجة اسمع صفير لصدره ومايرضع يطلب الرضعه ولما اعطيه اياها يجلس يبكي وديته للمستشفى واعطتني الدكتوره
fenistil مرتين باليوم ثلاث نقط و bisolvon 2mg ثلاث مرات باليوم 5 نقط وادول عند الظروره بس مامعه حراره والان عمره 19 يوم ياليت يادكتوره تقوليلي وش اسوي معاه لان حالته اردى من امس يوم اوديه للدكتوره وقبل المرض كنت ارضعه 60 مل كل ساعتين لكن الان 30 كل ساعه او ساعه ونص ومايكملها
وبغيت اسأل عن وزنه 3 كيلو و 700 جرام هل هو طبيعي هالوزن ؟؟!!
يسعدنى استقبال اسئلتكم / الدكتورة علا
متابعة النقاش، صفحة 76