تجمع ஐஐ ◄◄█▓▒░░ اللي ولادتهم في شهر مارس 2007 ░░▒▓█►►ஐஐ

هلا بالغاليات
بالنسبة للحرقان احس ماله دخل بالاكل يعني محصلينه محصلينه بس يزيد مع الاكل الثقيل بالليل

اما اغراض البيبي فلا تكثرون حق الي من 0 الى 3 شهور لانه بيكبر عليها وخصوصا القطن تراها تصغر زيادة مع الغسل وما شاء الله تراهم يكبرون بسرعة بعد عشرين يوم الى شهر من الولادة الا اذا كنتي بتخلين الملابس للي بعده اذا حملتي فضفي السوق عادي خخخخخخخخ

وبالنسية لجهاز تعقيم الرضاعات اختي تقول موب عملي ..

يعني اجمعيها في قدر مخصص وصبي عليها موية حارة وملح وخلاص يكفي


والزمزمية (الترمس) فعلا الصغير ابو غطا من فوق على شكل كاس احسن شي عشان الشنطة بعد اذا بغيتي تطلعين ولازم معك قارورة موية صحة صغيرة تزيدين فيها ..والفرشة حقت الرضاعات مهمة عشان تفرك داخل الرضاعة وفيه وحدة صغيرة لغسل الحلم بعد..
وطبعا الزجاج صحي ..البلاستيك ما استخدمه الا اذا بدا يمشي البيبي اخاف يطيح منه وينكسر..

وبالنسبة لاغراض البيبي لازم تشترين دولاب ملابس صغير مخصص له يكون مع السرير حق الغرفة واحسن شي الي له طاولة غيار من فوق عشان تغيرين له وانتي واقفة وخصوصا اذا كان توه صغير مرة ..احس اسهل..
وتبدين تحطين اغراضه فيها من الحين عشان تترتبين وتعرفين وش ناقص..وفيه شي يجي للترويش بعد يعني تروشينه وهو على الطاولة اريح لك الوقفة وخصوصا بالنفاس الظهر يكون رايح فيها..


اما الالم الي بالصدر هذا الله يعين يجلس حتى بالنفاس تحسين فيه وبالتاسع بيزيد الالم
من شدة الالم والله اني كنت افرك مكانه كأن فيه ضربة ... سببحان الله !!