السلام عليكم ورحمة الله ..
أهلين .. اليوم حبيت أكتب لكم عن طريقة اعتمدتها في غسيل الملابس مره ريحني
وحسيت اني أستمتع وانا أغسل ملابسي ..
من اول كن اطلع الملابس من الغساله للنشاف بعدين أفتح النشاف وأغسل الملابس وهي
جوا وانشف بعدين ارجع أغسل وانشف بس حسيت هالطريقه متعبة ومزعجة وفوق كذا ما
تعطي نظافة 100 %
فاللي علمني الطريقة الجديده زوجي الله يخليه .. من بعدها حسيت بالراحه الحمدلله ..
( طبعاً الطريقه للي غسالاتهم عادية مو اوتوماتيك ) ..
بعد ما تطلعين الملابس من الغساله وتحطينها في النشاف خليها تطول شوي لما تشوفين
ان انبوبة التصريف ما تطلع مويه ..
آخذ الملابس قطعه قطعه وأصير مجهزة ( سطل ) مقاسه وسط واعبيه موية نظيفه
وابدا بكل قطعه اغمسها في الموية واطلعها ..
إذا كان الصابون كثير افتح على القطعه صنبور المويه بعدين اعصرها لما أتأكد انها
نظفت بعدها للنشاف مره ثانيه وخلاص ..:)
جربوا الطريقة وادعوا لي .. :26:
ولا تبخلون علي بردودكم الحلوه .. :)
شاركي في النقاش
سجلي الدخول لإضافة تعليق.
التعليقات
25- مشكوره عالنصايح
- نفس طريقتى بس بعد مااطلعها من النشافه ارجعهم بصحن فيه مويه ولينور وارجع انشفهم تطلع ريحتهم جناااااااااااان
- باقولك طريقتي
انا مااستخدم السطل (اخاف على عيالي منه)
اغسل بالصابون وبعدين احط الملابس في النشافه واشغلها عشان يطلع الصابون
واكب المويه والصابون اللي في الغساله واعبيها مويه نظيفه
واحط الملابس اللي في النشافه في المويه النظيفه وارجعها للنشافه مره ثانيه
وخلاص
طريقتك قريبه من طريقتي - هذه الطريقه الصحيحه للغسيل
مواضيع مشابهة
تابعي تجارب أخرى من هذا القسم.