شوفي بالأول اهتمي ببشرتك
نفسها يعني صحيح الميك آب يزيد جمال البشرة
بس إذا ما كانت البشرة نفسها صحيه ومرتاحه ماراح يعطيك اللوك اللي تبغينه ..
كيييف؟
اقولك كيف .. اولا ً لازم تهتمين
بترطيبها بشكل كثيف اذا كانت جافة .. واذا
كانت دهنية ترطبينها صح بس بالمنتجات اللي تخص بشرتك وما تزيد لمعانها وتسيح الميك آب ..
والتقشير مهم جدا ً جدا ً للوجه
قبل الميك آب حتى تكون بشرتك نضره وحلوه ...
(اقصد بالسكراب) واحسن مقشر المشمش من منتجات همالايا تلقينه بأي سوبرماركت ...
تنظفين فيه وجهك اسبوعيا ً
ع الأقل مره .. ولكن يفضل مرتين .. حتى تحصلين ع نتائج احسن
وبعدها ترطيب ممتاز دايما ً وكثري من شرب الماي ..
.
نجي للميك آب ... لازم تهيئين
البشرة قبل .. نظيفة ومرطبه بعدها توزعين البيس (وانصحك بـ ستروب كريم) من ماك
رووووعه يعطيك ترطيب ونعومه للوجه غير شكل ..
وبعدها تاخذين بودرة تناسب درجة
لونك واذا تبغينها افتح تكون بدرجة فقط مو اكثر
علشان مهما كثرتي من البودر ما يبين مغبّر ....
واذا بغيتي احسن بودرة تناسبك
اخذي اللي يكون (اساس مضغوط) مو (بودرة مضغوطة)
يعني قوليلها ابغى فاونديشن كومباكت ..
هالنوع من البودرة روووووعه
يعطيك تغطيه رهيبه .. وحلوه كثييير ... مو مغبره و كأنه طحين!
وانصحك تجربين هالماركات:
جيرلان ديفينورا الذهبية - كانيبو - ماك استيديو فكس
ولازم تاخذين المنتجات
اللي تناسب نوع بشرتك (جافة - دهنية - مختلطة) يعني
لازم تذكرين هالنقطة للبائعه علشان تعطيك
المنتجات المناسبة واللي منها انتي اختاري اللي يعجبك ...
وانتبهي تاخذين شئ من مدح
البياعات اللي بباريس جاليري او اريج!
لأنهم ما يهمهم شي غير بيع المنتجات!
يعني انتبهي لهالنقطة
لا يعطونك شئ لمجرد ان سوقه واقفه ويبغون يصرفونه!
ترى انذااااال ..
وبعد البيس توزعين
نقط صغير جدا ً من الكونسيلر تحت
الهالات بشكل طبطبه مو بالمسح!
وبعدها البودرة وانا
مالقيت احلى من بودرة جيرلان الذهبية
واوزعها عن طريق فرشاة ماك 178 روووعه
تعطيك لوك مره نظيف ومو مبالغ فيه ...
واي استفسارات ثانية
حاظرين للطيبين ...