من المفروض أن الطفل في عامه الثالث قد أصبح يستطيع أن يختار الأصحاب
ويتعرف عليهم ويحادثهم ويلعب معهم وتصبح لغته أفضل ..
بينما في أطفال مازالوا كثيري الإلتصاق بوالديهم ويخافون التقرب من الأطفال الآخرين
وأنا طفلي لحد ما من النوع الثاني صح إن لغته والحمد لله زينه ومن النوع إللي يتكلم دائما
ويسولف إلا إنه وايد ملتصق فيني ويحب يلعب مع أطفال معينين
فقط ويكون كريم في تعامله معهم يعني عادي يعطيهم ألعابه بدون ما يتذمر بالرغم من أنه
يرفض هالشيء مع الأطفال الآخرين.. ولو وديته مدينة الألعاب بيقعد يتفرج وبس ولما
أقوله بتلعب يا حبيبي اللعبة الفلانية يقول لا ما أريد..
ما أعرف شو أسوي معاه هو عنده أخو أصغر منه عمره سنتين تقريبا ويحب يلعب معاه
بس يكون معاه أناني يعني يحب كل شيء له..
الحين كيف أجعل طفلي اجتماعي؟؟
كيف أخليه يكون صداقات ويطلع من محيطي؟؟
أرجوا المساعدة
شاركي في النقاش
سجلي الدخول لإضافة تعليق.
التعليقات
7- خليه يختلط مع اطفال من سنه برا البيت هذي افضل طريقه
- الحـــ عيون ـــور
شكرا حبيبتي على مرورك
مشكلته لازم يطلع معاي يعني ما يستوي أخليه يطلع بروحه
وين مشاركات الأخريات.. - نفس مشكلة بنتي لما اروح لاحد تضل طول الوقت جالسه بجنبي ولما اقول روحي العبي مع البنات ترفض ولا حظتها ما تلعب الا مع بنت عمها اللي في عمرها وذا صار وراحت بنت عمها تلعب مع غيرها ترفض تلعب معها
افكر الحين ادخلها الروضه يمكن تتغير عمرها 5 سنوات - أختي ليدي2001
شكرا على مرورك حبيبتي
أنا ولدي عمره 3 سنوات وخمس شهور تقريبا وإن شاء الله بدخله الروضة السنة الجاية يعني لما يكمل 4 سنوات
بس ما في حد ممكن يفيدنا بخبرته؟؟ - اتكيتو على الجرح
ولدي 5سنوات لغتو فقيره جدا
وفوق كده مايلعب غير مع اخته او لوحدو
احيانا اقول احتمال لاننا في غربه ولوحدنا اتعود على هذا النمط
بس باتعب نفسيا خصوصا لما اشوف كيف اللي في عمره السنتهم طليقه
واجتماعيين الحمدلله على كل حال
مواضيع مشابهة
تابعي تجارب أخرى من هذا القسم.