افشيت لها سرا فأذاعته .........والان هي زعلانه ؟؟؟؟

السلام عليكم
ابي منكم المشوره تكفووون :(

ياطولين الاعمار
انا صارت لي مشكله مع اهل زوجي
وكنت متضايقه مررررره . كلمتني عمتي وشكيت لها المهم ارتحت ذاك اليوم لمن شكيت لاحد يسمعني
بعدها بتقريبا اسبوعين كلمتني اختي وقالت لي صار معك كذا وكذا وكذا ليه ما قلتي لي

قلت وش عرفك قالت عمتي الصغيره (اللي اصغر من اللي كلمتني وعطيتها المشكله ) قالت لي وش صار لك :09:
قلت لها وشلون انا ما قلت لها المشكله لكن عرفت منو اللي قال لها وقفلت من اختي وتعوذت من الشيطان ما ابي اكلمها اللحين واخرب كل شيء بينا خلي اصبر لبكره عشان اكون اهدى من كذا
والله من كثر القهر صرت اشوفها من المنام :(
المهم جا اليوم الثاني وكلمت عمتي الي قلت لها المشكله وقلت لها انا بصراحه ما توقعتها منك ليه تروحين تعطين عمتي الصغيره السالفه مو لشيء ولكن اعرفها ماتترك احد ما تسولف له وهذا الشيء فعلا اعرفه في عمتي الصغيره اي شيء عندها عادي تسولف به للناس والناس مايتركون احد بحاله وانا ما ابي احد يصير يتكلم فيني ......
ابيك تقولين لها ما تبلغ احد عن المشكله وانتي وهي اشوفكم مثل اعيوني لكن ما ابي تطلع السالفه
وما ابيك تزعلين مني ............؟؟؟؟ تخيلو بعد اقول لها ما ابيك تزعلين مني والمفروض انا اللي ازعل لكن مشكلتي طيبه بزياده
المهم راحت وكلمت عمتي الصغيره وما ادري وش قالت لها
زودت على الكلام ولا لا
المهم انا على بالي السالفه ذي عابره وخلاص موضوع وما ابي احد يتكلم فيني وخلاص
بعدها باسبوعين كلمت عمتي على اساس اسولف معها تخيلوا ما ردت علي وارسل لها رسايل ولا ترد
الحين بعد ما عرفتوا المشكله ابي حل ووشلون اتصرف معها لاني احب عمتي ذي وما ابيها تزعل مني :( وعمتي الصغيره اكيد بعد زعلانه
مع ان المفروض انا اللي ازعل ليش انها تخبر بمشكلتي ......!!!!:09:
:(

18 تعليق 1,339 مشاهدة

شاركي في النقاش

سجلي الدخول لإضافة تعليق.

التعليقات

17
  1. @amphbobhamp

    صاحبة الموضوع
    يالذوق كله

    انا اعترف انو غلطت لكن محد يتعلم الا لمن يخطي

    والله ما قصرتي ردك مثلك ذوق

    الله يخليك لعيون ترجيك
  2. @shlyh_foshyh

    فعلااااااَ ضربنــي وبكـــى وسبقنــــــــــــي وأشتكـــــــــــــــــــى سبحاااااااااان الله

    عمتــــــــــــك الصراحــــــــــــــــه عجيبـــــــــــــــــــــه مالها حـــــق تزعـــــــــــــل المفروض انــتي اللي

    تزعليــن من حركتهـــــا الله يهديهـــــــــا بسسسسسسس

    وانتــي حاولي تتصليييييين عليها لما ترررد بالقــوه << انقهررررررت :* _ *:

    واسئليها ليش سوت كذا واجهيها والله يعيينك عزيزتـــي
  3. @ksymyh_ghyr

    إذا ضاق صدر المرء عن سر نفسه "" فصدر الذي يستودع السر أضيق !

    معليش :) بس بما إنك طلعتِ سرك المفروض ماتعاتبينها تعاتبين نفسك وتاخذين درس
    إن سرك مايطلع لأحد وإذا طلع ماتلومينها صح هي أخطأت بس ليتك سكتي وقررتي بينك وبين نفسك إنك ماعاد تعلمينها بشي وهي مع الوقت بتحس بدون ماتقدر تمسك عليك شي
    واتوقع انها متفشله منك وحاسه بحرج أكثر من انها زعلانه

    الله يولف بين قلوبكم
  4. معليش تحملي ياما حصلت معي الشغلات هذي ضربني وبكى وسبقني واشتكى والمصيبه لاقين احد يوقف معاهم ضدي والمصيبه الاكبر انهم قرايب يعني حراااام قطيعتهم وياعمري الشكوى لغير الله مذله زي ماشفتي بدل ماتفضفضي انقلبت عليكي وانتي حاولي تجمعيهم اثنتين وتعلميهم انه انتي بس قصدك توضحيلهم انه سرك مايخرج عند الناس لانهم مايرحمون وممكن يزيدون على قصتك وتصيرين لبانه بحلوق الناس ويمكن تسبب لك مشاكل انتي بغنى عنها مع زوجك واهله ليش تزعلون علشان ابغى احافظ على بيتي ولاتخلوني اندم اني شكيت لوحده فيكم همي والله يعينك بعض الاهل يزيد على الهم هم

تابعي تجارب أخرى من هذا القسم.