شاركي في النقاش

سجلي الدخول لإضافة تعليق.

التعليقات

235
  1. @aayon_saad

    صاحبة الموضوع
    مرحبا:

    معليش يا بنات أسفة على التأخير المفروض أني أحط الأفكار الصباح بس و الله ما فضيت ، و الحين بحطها لكم و ياليت ترشحون الفكرة الافضلك

    الفكرة الاولى:

    (( أرسل له رسالة إعتذار..........

    1-إن زعلت برضيك وكل عمري فداك ..

    والزعل ما أزعله يالغالي عليك

    لو تأمر بروحي تلقاك تراضيك

    لو تطلب عيوني في لحظة تجيك


    2-ولا تزعل ولا تتعب شعورك

    ولا تاخذ على خاطرك مني


    ابتأسف لين أرضي غرورك

    وأقول إني مقصر غصب عني


    3-لي قلب ما يقسى ... لي عقل ماينسى

    لي أحباب بدونهم ما أسوى وعلى زعلهم ما أقوى


    4-إذا كان نظر عيني زعلان اكتب له رسالة

    وإن كان رضاك في حبة الكوع .. لكسر يدي وأحب كوعي عشانك


    5- يضيق صدري لو عني رحلت

    وأفديك روحي لو مني زعلت

    وأموت لو غيري عشقت

    6-ما علموك ؟! إن الغلا يجرح الروح

    وإنا على فراقك ... تنزف الجروح

    7-على صبر فراقك ما عاد لي حيل

    الله يبدل حالة الهجر بوصال


    8-لالالا ... أعذرني

    لالالا.. ما أقدر

    أعيش بدونك


    9-اعطف حبيبي وتكلم

    القلب بعدك تألم

    اسأل علي وسلم

    سامحني أن شفت زلة

    الطريقة الثانيه:

    إذا رفض زوجك إعتذارك بعد إرسال رسالة إعتذار أرسلي له

    رسالة بها ( والله العظيم إذا ما رديت ولا رضيت إني لأرسل رسائل

    كل 30 ثانية فاهم كل 30 ثانية )طبعا سوف يرد بسرعة إذا كان هو اللي يدفع الفاتورة خخخخخخخخ ))

    الفكرة الثانية:

    ((( الصراحه هذي الطريقه ماجربتها بس وانا افكر يات في بالي خخخ

    اذا كان زعلان حبيب القلب
    ماراح انطق ولا بكلمه والحركات راح تجيبه على بوزه

    راح اسوي كيكه صغيره واكتب فوقها
    ( الحلو زعلان ..ولا يتغلى؟؟)

    وبعد العشى راح احطها له وراح امسك ضحكتي لاني اعرفه اول ماراح يقراها بيبتسم>>يزعم طريقه جديده حق المراضاه خخخ

    وراح اقصص له منها وانا ساكته
    ومتعززه عليه بعد يزعم ثقيله

    واذا طنش راح اسبقه على غرفه النوم واطفى النور
    وراح اخلع الثياب واكتب على جسمي بالقلم الفسفوري
    الي يولع في الظلام على الصدر

    (ماعاش من يزعلك يالغلا)

    وعلى البطن
    (يهون عليك الحلو يتعذب ينام بعيد عنك)


    ماعتقد عقبها ماراح
    يذوووووووووووووب الحديد )))

    الفكرة الثالثة:

    (( أحضري 3 بلونات شكل قلوب

    3 ورقـــات صغيره كل وحده مكتووب فيها عباره مثل :

    الاولى >> اعتذر منك لاني غلطانه
    الثانيه >>اعتذر مني لانك غلطان
    الثالثه >> ننسى ماجرى ولنجلس جلسه رومانسيه
    الرابعه >> احبك وماقدر على زعلك

    ثم قومي بوضع الورق في البالونات وانفخيها ثم ضعيها على السرير

    وعندما يهدأ الوضع اشعلى مجموعة من الشموع

    واعطي زوجك دبوسا ليفرقع البالونات ويقرأمافيها من عبارات

    وسيتغير الحـــــــال باذن الله .....
    ---------------------------------------------------------
    الطريقة الثانية:
    احضري بطاقات وقلم أحمر وخيط ودباسة واكتبي على

    كل ورقة أحبك بالأحمر ودبسي البطاقات بالخيط ومدي الخيط من

    باب المنزل إلى غرفة نومك وطبعا تزيني وفاجئيه وإن شاء الله يختفي الزعل ))

    الفكرة الرابعة:

    (( اذا دخل البيت بعد زعل ووصل لغرفة النوم وهذا اكيد لانه بيفصخ ثوبه
    1- اذا طبعه هادي اشيل باقي ملابسه واسدحه على السرير واسوي له مساااااج ,,,, واعبر له عن اسفي واعتذاري وابرر موقفي واسمعه كلام حلو واني مالي غناة عنه والله يخليه لي وووووو
    لين يذوب ويرضى

    2- اذا كان زعله يخوف واحتمال يطيرني لو المسه اخلييه بملابسه وامشييييه حبه حبه ((وحده خايفة))واقوله شوي بس
    واسدحه عل السرير واسوي الباقي مثل المذكور قبل في رقم 1


    ومعرووووف نقطة ضعف الرجاااال ))

    الفكرة الخامسة:

    (( إرضاء الزوج
    في حالة غضب زوجي مني أتركه وما ارد عليه أدخل غرفتي وبعد ما أهدأ أسوي قهوه وحلى سريع أو أي طبخه سريعه يحبها زوجي وألبس لبس يكون له ذكرى خاصه بيني وبين زوجي أو لبس يفضله هو
    أحط القهوه قدامه و أقابله بابتسامه عريضه وأجلس في حضنه وأبوسه بصراحه زوجي يرضى بسرعه بعد مل يرضى أتناقش أنا وهو في الموضوع... ))

    الفكرة السادسة:

    (( اولاً المرأة الحكيمة التي تحرص على رضا ربها وزوجها
    تبتعد عن كل مايغضب زوجها
    لكن لو صار سوء تفاهم وغضب الزوج أو كان الزوج من النوع
    الزعول تحرص الزوجة على إرضائه سريعاً ولاتترك المجال لحدوث
    فجوة بينها وبين زوجها

    أما عن كيفية إرضائه

    على حسب زعل الزوج والموضوع اللي زعل بسببه
    إذا كان الموضوع بسيط قبلي يده ورأسه ثم احضنيه وامسحي
    بحنان على خده
    ثم قدمي إعتذارك
    لأن تقبيل اليد والرأس دليل على احترامك له والاحتضان دليل على
    حبك له وبمسحك على خده تشعريه بالحنان
    وسوف يرضى سريعاً لأنك قدمتي كل مشاعرك قبل الإعتذار
    إحترام وحب وحنان ثم إعتذار

    أما إذا كان الموضوع كبير وزعل زوجك أكبر ولايمكن إرضائه
    سريعاً
    لاتتحدثي مع زوجك ولا تقدمي له الإعتذار شفهياً
    لأنه غاضبا ولن يرضى بسهولة
    أكتبي عدة رسائل إعتذار بينها رسالتين أو ثلاث حب
    اكتبي الرسائل على ورق ملون معطر بعطرك الذي يحبه
    وزعي هذه الرسائل دون ان تشعريه بأنك تنتظري منه قرائتها
    ضعي واحدة في جيب ثوبه
    والاخرى في محفظته
    وثالثة الصقيها على فرشاة أسنانه
    ورابعة على مخدته
    وخامسة ضعيها في الطبق الذي تقدمي فيه الشاي او العصير
    او اي مشروب يحبه
    بعد قراءته لهذه الرسائل سوف تلاحظي أن قلبه حن
    سترين إبتسامته وتقرأين الرضا في عينيه
    هنا فقط عليك بتقديم الإعتذار شفهياً مع قبلة على جبينه
    ويديه ولمسة حنان على خده وسوف يرضى سريعاً ))

    الفكرة السابعة:

    (( السلام عليكم...

    ابسط الافكار واللي دااااااايم اسويها..وحلوه وخفيفه...

    هو اذا تزاعلنا .. واحتد النقاش...ابعد واروح واخليه لحاله...الين يهدا..
    وعقب..بعد ساعه..ارووووح والبس واتكشخ بس لبس بسيط...يعني اتحمم والبس قميص هادي ورايق بس مو اغرائي مره لانه مو وقته..يعني يكون فوق الركبه بشوي..مع عطر وميك اب قريب للطبيعي...

    وعقب اروح اعتذر له واحبه على راسه..واعبر ببعض الكلمات..طبعا هو بيقعد شوي بخاطره...بعد مااقوله كم كلمه حلوه..وكم بوسه..واحس انها هدته...اخليه يقول ي انه مسامحني...واروح واتركه الييييين تصفى نفسه...بعد شوي يرد لي..ويسولف ويمزح...

    او اسوي اكله حلوووه او حلى مع قهوه واناديه...

    الاكل يطيب الخاطر...بجد بس مو وقت العصبيه...


    طبعا مسجات حلوه...اكيد لها تاثير احلى.. )))

    الفكرة الثامنة:

    (( اقتراح للزعل
    اسوى نفسى طحت واصرخ ه اه اااااااااى
    وبيجى يركض اقوله بصوت منكسر يعنى لازم اموت عشان تسأل عنى اه بس ايه اسوى احبك والباقى انتم عارفينه


    الحل الثانى
    اروح احب راسه واقوله انا اسفة ياعمرى وما عدت اكررها وارسلة رسالة اسف بالأميل واطبعله ورقة حلللللوة بها قلب وكلمة انا اسفة واعلقها على المراية او الباب ))

    الفكرة التاسعة:

    (( بخصوص كيف اراضيه
    سلام ياستي
    يقولك شي يمكن تستغربين

    انا ياعمري لي ثلاث شنين وشهر ويمين بالضبط

    ماصارت مشاكل كبيره الحمد لله كلها تريقه تقلب جد فهمتي

    وبصراحه لو صار مابيني وبينه وسيييييط افضضضضضضضضل شي

    اما اني افك الضحكه بوجه لاني امسك الضحكه وقت الزعل يعني اتحاشاه وهو يتحاشاني عشان ماوةاحد يضحك يوجه الثني (مانعرف نزعل)

    لكن طريقتي اروح عنده وابوسه واعتذر منه
    او اخفف دمي شويه عليه حتى يضحك خفه دم مع شيطنه (ياليت تتفهمني )
    المهم يكون تعليقه بضحكه الله واكبر على شرك منتي بهينه

    وفي الليل لالااااااااازم ماننام الا كل واحد نيته صافيه عالثاني

    لان مع الكبت بتصير فجوه
    لان مع الكبت بيصير انفجار
    لان مع الكبت راح يصير (كثر الدق يفك اللحام )

    شعارنا في جياتنا الزوجيه لالالالالا للكبت

    اتمنى مااطول عليك ولو اني ماجبت جديد

    لكن هذي حياتنالا للكبت نعم والف نعم للمصارحه ))

    يالله رشحوا............

تابعي تجارب أخرى من هذا القسم.