اخواتي الحبيبات والغاليات في موضوع مهم جدا بقولكم عليه وخطير جدا ..... خبرتني واحدة من صديقاتي اللي في الرياض تقول :
مرة عطل جهازها الكمبيوتر وودته لمحل كمبيوتر يصلح العطل اللي فيه ... المهم صلحوا الجهاز وراحت أخذته من المحل ويوم شغلت الجهاز واذا فيه صور لها على سطح المكتب استغربت من وين جت هذه الصور وهي حذفتهم من سلة المحذوفات ومن الجهاز كله من شهر تقريبا .. قامت واتصلت عليهم علشان تستفسر هذه الصور اللي على سطح المكتب من وين جابوها مع العلم انها حاذفتها من قبل ... صار يتلعثم في الكلام المهندس حق الكمبيوتر وفي الآخر قفل السماعة في وجهها وقعدت تتصل على المحل بس ما أحد رد عليها ... بعدين اتفقت واياي على خطة علشان نعرف شلون رجعوا الصور هذه اللي على الجهاز
ثاني يوم أخذت لهم نفس الجهاز طبعا ماعرفو انه نفس الجهاز وقلت لهم لي صور في الجهاز وملفات مهمة حذفتهم وودي استرجعهم فقال لي خلاص حطي الجهاز وتعالي بكرة يكون خلص قلت له ابيه الحين اذا تقدر تخلصه واعطيك اللي زيادة فلوس عليه قال زين .. اشوي وحط سي دي في الجهاز فيه برنامج يسترجع كل اللي انحذف من الجهاز ملفات وبرامج وصور بصراحة ذهلت وقلت له خلاص طفي الجهاز وعطنييه واخذته وطلعت وانا خايفة ومتعجبة من هذا البرنامج
الخلاصة يعني الحين مافي امان ابد حتى في الأجهزة الخاصة فينا وبصراحة اللي يشتغلون في محلات الكمبيوتر احس انهم مالهم أمان أبد ونصيحتي لك اختي ( اذا شريتي جهاز لاتشتري الا جديد علشان لايكون فيه صور من قبل ويوم توديه للصيانه ويسووله فورمات واسترجاع لايشوفون صور اللي كانت قبل لها الجهاز ويحسبونك انتي ,,, واذا اشتريتي الجهاز لاتتصوري ابد وتحطين صورك في الجهاز لانه يمكن استرجاعها ) وان شاالله اكون كذا نصحتكم وافدتكم اللهم قد بلغت اللهم فاشهد :(
شاركي في النقاش
سجلي الدخول لإضافة تعليق.
التعليقات
139- مشكور اختى
احنا لم نحذف الملفات من الجهاز تظل الملفات فى جزء صغير من الجهاز هى ما نتحذف نهائيا ما اتذكر اسم الجزء وتقدرى تتسرجعى الملفات لم تريدها بواسطة برامج والى يشتغلوا فى الكمبيوتر يعرفوا عن ها الشى - جزاك الله خير
- اختي حبيبتي انا اعرف انتي وش تقصدين بانه ينحذفو في داخل شي صغير اللي هو سلة المحذوفات انتي تقصدين ،،، لكن أنا اقصد هذا والثاني أيضا الملفات اللي تحذفيها نهائي من سلة المحذوفات ومن الجهاز كله يقدرون يرجعونها الله يستر علينا :(
- ايوه معروف هالشي
وفيه برامج لها الامر تسترجع الملفات بعد حذفها حتى من سلة المحذوفات
تسترجعها بعد الفورمااااااااااااااات - عادي ما سوا شيء عجيب
انت بالبيت تقدرين تسترجعين كل الصور :)
وليش الخوف مفروض الصور الخاصة ما تدخل الجهاز نهائي لا الكمبيوتر ولا الجوال
ولا تصور من الأساس اريح لها لأن يمكن يدش حرامي البيت ويسرق كل الصور وترى صارت لقرايب لي
وباقي الصور حلال عليهم ما فيها شيء نخاف منه
وعلى فكرة حتى الهكر يقدر تفرج على كل الصور بالجهاز وانت ما تدرين
الله يستر على بنات المسلمين
مواضيع مشابهة
تابعي تجارب أخرى من هذا القسم.