شاركي في النقاش

سجلي الدخول لإضافة تعليق.

التعليقات

1,824
  1. @am_yosf_11

    صباح الخير صباايا الجبيل

    معليش خيتوو سلفوني امس النت مهنك عندي ولا قدرت ارد عليك


    المره اخذها معي المستشفى واشربها اول ما اصحصح

    بالنسبه لي اول 10 ايام حلبه وحبه سوداء

    وبعدها 10 ايام رشاد وحبه سوداء

    وبعدها اقطع كل شي لاني بالقوه امرر هالعشرين يووم

    الكمون نسويه شراب طوول فتره النفاس"علمتني عليه جارتي الحسااويه"

    احرص الصبح على فطورين الفطور الاول الصبح بدري عصيده وتكون فيها حلبه ورشاد شوي وحبه سوداء

    والفطور الثاني الساعه 10 بيض عصير برتقال وجرجير

    مع انه ما يمدحوون الحمضيات للنفاس بس انا مااقدر اتغدى واتعشى بدون عصير برتقال بديل للبيبسي

    الغسول يكون بماء دافي وملح كل ما دخلتي دورة المياه "اعزكم الله"
    والمره فضيييعه للخياطه
    وفي حاجه يمدحوونها اسمها ارطه تغلينها وتتنقعين فيها
    وتتبخرين ببخور النفاس تاخذينه من العطار

    انا عندي خمس اطفال وتنفيذي لكل اللي كتبته كان يزيد من طفل لطفل الى ان وصلت 80% من الكلام اللي انا كاتبه

    ولله الحمد ماعانيت من أي مشاكل..

    حتى قبل فتره كنت رايحه لدكتوره اسألها عن عمليات تجميل الـ.... قالت والله لو ماقايله ان عندك 5 اطفال كان احسبك توك يادوب طفل واحد ومانصحتني فيها

    اهم شي اهتمي بصحتك الحلبه والحليب للظهر والعظام واننتبهي من البرد لان حمى النفاااس شييينه الله لايوريك اياها

    وجربي عسل ابوموسى عسل الحبه السوداء كل ليله قبل النوم ملعقه يقوي مناعتك ويغذيك

    الاكل كان يوم شوربة دجاج يوم شوربة لحم ويوم مرقوق "اهلنا يقولون مايصك اللحم الا اللحم"مدري صحيح او لا خخخخخ

    والمره الجايه اعطيك برنامج البيبي

    الله يسهل علييك ان شاءالله

تابعي تجارب أخرى من هذا القسم.