شاركي في النقاش

سجلي الدخول لإضافة تعليق.

التعليقات

210
  1. @aryg_alzhor_2

    شيخة القصمان100%
    ياااقلبيه هلا وسهلا فيك حبيبتي صادقه الكل يمدح بسنيه حتى انا ودي اروح لها بس واحده من البنات تقول ماخذه شهر اجازه أم أحلى بدر ياهلا فيك اختي والحمد لله انه فادك وان شاء الله بيفيدك اكثر وحنا هنا عشان نساعد بعض بس ترى مو مهم القرب اهم شي د…
    هلابك شيخة القصمان الله يجزاك الجنه فعلا حنا حوامل الرياض كنا بحاجة لموضوع يجمعنا
    بالنسبه لي اراجع حاليا عند مستشفى الحرس على حسابي الخاص عند الدكتورة محفوظه بيجم بصراحه مرة ممتازة
    وبالنسبه للتجهيز للبيبي لسا مابديت تو الناس علي لاني في الشهر الثاني :26: :26:
  2. @ykolon_lyh_la

    هلاااا بناااات
    انا اراجع عند دكتورة صبا في دله <<< نفس حملي الاول
    وقصة الصور ما دخلت مزاجي .. وكان فيه شي اكيد بيصلحون حضانتهم عقب الفضيحه خخخخخخخخخ
    و قلت بتكل على ربي وابجلس فيه ... لان لو تلاحظين هنا بالمنتدى ما بقى مستشفى ما طلعوا له بسالفه حتى اني جلست كم يوم وانا عندي ارق من سوالفهم ... <<< كني طولت السالفه :)
    ماقلتي لي عندك اولاد من قبل او اول حمل :) :)
  3. مرحبا بطبوطااااااااااااااااات ،،،صور مستشفى دله احسها واضحه انها مفبركه ،،، ومهما كان لايمكن يسوونها يا ناس مستشفى كبير لازم يخاف على سمعته
    انا ولادتي في 28 /5 /2007
    الله يهون على الجميع
  4. @dloaa_mn_ahbh

    هلا كروشات ...........ابقولكم للاسف صور ماهي مفبركه وانا سالت دكتورتي وقالت نيرسات انفصلو..وسالفه صدق بس تبون الجد جلست يومين أحلم ان احد ياخذ الابيبي مني ويرميه في مسبح وصخ<<عقلي الباطن الله يلعن ابليس ...بس من اول مولد محرصه اهلى وحطته ذمه انهم يخذون نونو الغرفتي لين اطلع من المستشفى ..........ادري قرقي واجد

    تخيلو في تاسع وماخلصت بس طلبت لهوم من أم جهاد
    وخذيت اغراض نونو من ستي بلازا وسرير والمعقم رضعات وجهاز عشان اسمع وانا بعيده...ورضعات ووالملفات ..وبربتوزات قطيفه وقطنيه ...خذت كلوتات استخدام واحد وحفاظات الصدر

    وتقديم شفت طقم تقديم مخمخ في راسي عند العيسائي بس تغاليته 1385 ريال...........ديور في القرعاوي بس كل اقربي شارينه عشان كذا طابت نفس
    خذيت شكولاه من جوي ولي وستديو شكولاه...وخلصت هدايا المولود...باقي مفرش المستشفى مع الروب ....هذا لى اذكره الحين
  5. @yallh_strk

    مراااااااحب

    تعجبيني ياشيخة القصمان نشيطة :)

    اراجع في مركز الاعمال في الحرس الوطني عند استشارية حنان القادري ذووق وادب ودين ومهارة :)
    من السابع إذا سهل ربي راح اراجع في التخصصي لحد ماأولد فيه
    عن نفسي ماحب المستشفيات الأهليه لان الواحد مايندرى وش يصير عليه اثناء وبعد الولادة كذا افضل الحكومي وافضل الحرس الوطني أو التخصصي لان الي فيه دكاترة واستشارين كبار وخبره طويله

    تقضيت اغلب المقاضي :)

    اخذت بربتوزات وبجامات حقات البيبي من ادمز ومذركير الي عليها تخفيض فقط وتكون قطن طبيعي
    لبس التقديم من العيسائي من جده طلع علي 700 ريال لون بيج تتكون من اربع قطع بدله وجزمة تكرمون وطربوش وملف

    لبسي شريت شي من محل ومن سكرت وشي من جده مثل الارواب القطنية والقمصان القصيرة القطنيه شكلها كيوت وبجامات وحرصت انها تكون مفتوحه من قدام عشان الرضاعه لان شكلي ماراح اشتري قمصان رضاعه لان أشكال الي عندنا ماهي حلوه :(

    التقديم من زمان قد شريت كاساتي وبيلات وفناجيل من الأمل للأواني في عويس طلعت علي ضربه حول 4000 بس حلو شكلها كرستال ملون وبخليها لنفاسي
    لفيت الرياض ابي صواني تفتح النفس مالقيت غير عند الأمل للأواني برضو شريت من عندهم صنيتين الوحده فيهم 300 ريال ويسون خصم لها عندهم تخفيض هالفترة كون السوق نايم
    عندي صينية سبق واخذتها من باتشي وراح اعدل فيها واستخدمها لنفاسي :)


    وكلما خلصت من شي أقول هانت ويطلع لي علم جديد فعلا اغراض النفاس ماتخلص كذا قررت
    أول ماخلص من نفاسي كل اغراض النفاس ابحطها في شنطة كبر جدي واخليها للحمل الثاني بصراحة حوسه :)

تابعي تجارب أخرى من هذا القسم.