قمه الإحرررررراج/ قديم

أيام المدرسة .. كانت في اشاعة قوية جدا انه مدرستنا فيها بنات يتعاطون المخدرات.. فقمت انا ورفيجتي من زود الذكاء والفطانة مسوين فيها يعني التحري كونان قعدنا نتحرى ورا البنات ونلاحظهم وندقق بتصرفاتهم وشكينا بوحده شكلها صج مدمنة ..هالات سوداء .. وجه شاحب .. قلق .. مزاجها خايس ومعصبة وتتكلم بعصبية .. وشكلها تعبانة ويادوب تمشي .. قلنا خلاص مابدهاش هاذي وحدة منهم الظاهر تعبانة حدها وتبي جرعة يالله وراهاااااااااااااااااااا ..
نراقبها واحنا مستانسين قلنا الحين بنكشفها ويحطون اسماءنا بالجرايد ويكتبون عن ذكاءنا وسرعة بديهتنا وشجاعتنا خخخخخخخ .. المهم ونقعد نراقبها لحد ماقامت ودخلت الحمام قلنا خلاص البنت تعبت حدها وموقادرة تصبر وتبي تاخذ جرعة خلينا نمشي وراها .. وتدخل دورة المياه واحنا وراها ونسوي روحنا كأننا نبي الحمام ..انا واقفة اسوي روحي أشرب من الماي ورفيجتي تمشي وراها يعني تبي تدخل دورة المياه .. وبعدين تدخل البنت الحمام وصديقتي تراقب وواقفة عند الحمام وانا واقفة برا وأراقب مدخل الحمام أشوف اذا لها شركاء واذا كانت تبي تدخل الحمام وتحط المخدرات في الحمام لزميلاتها .. المهم وفعلا تجي كذا بنت برا ينطرونها تطلع قلت بقلبي خلاص نظريتنا بمحلها هذا مكانهم اللي يتبادلون فيه المخدرات وأروح و أأشر حق زميلتي انها تاخذ دور ورا الحمام اللي فيه البنت ولاتخلي أحد يدخل قبلها عشان تكشف المخدرات اللي استخدمتها البنت واللي بتخليها لزميلاتها المدمنات وتستحوذ على الدليل قبلهم.. بعد فترة طلعت البنت اخيرا واحنا متشققين من الفرحة :42: قلنا خلاص بس كشفناها .. شعلينا باجر بيصورونا ويحطون سالفتنا بالجرايد وتكرمنا المدرسة ويعطونا دروع والكل بيأشر علينا .. ودخلت رفيجتي الحمام .. والبنات اللي كانو ينطرون راحو حمام ثاني لانهم زهقوا من الانتظار ,, وانا واقفة على نار وانطر رفيجتي تطلع من الحمام .. وتطلع أخيرا وتقولي يافلانة دورت بالحمام كله مالقيت شي بس لقيت هلكيس الصغير محطوط ورا المغسلة اكيد فيه المخدرات .. وانا اقول لرفيجتي شفتي يافلانة والله انهم أذكياء شوفي شلون التمويه حاطة المخدرات بكيس أسود مال الفوط الصحية عشان محد يشك فيهم .. ونفتح الكيس واحنا فرحانين وكأننا طايحين على كنز :hahaha:
وننصدم صدمة حياتنا !!! تطلع لنا وانتم بكرامة فوطة صحية وطبعا عارفين شنو فيها!!! :eek: !!!!! خخخخخخخخخخخخخخ موقف خايس ومعفن ! أثاريها المسكينة فعلا شاحبة وتعبانة ومزاجها عصبي من الدورة مو من الادمان ! لحظة لحظ لحظ مو هني الاحراج .. الاحراج اننا يوم نلتفت ولا فيه بنت وفراشة يطالعونا منصدمين ومن الصدمة ساكتين بس يطالعون :blink: :blink: ضاع الكلام مالومهم شيقولون وهم يشوفون بنتين شاقين كيس فوطة صحية وروسهم شوي و تدش بالكيس ! طبعا انطرمنا شنرقع شنقول خخخخخخخخخخخخخخخخخخخخ كان يوم أغبر !!!! :22:

هذا الموقف اللي اذكره ان ذكرت شي ثاني رديت وكتبت ..

رووووووووووووووووووعه

والله لي مده ماااضحكت بصوووت عالي
والحين ياااطنط ضحكتيييني لان الموقف روووعه واسلووووبك ارررروع

اعطينا مواقف بعد


..........
:42:

المواقف المحرجه كثيره جدا بس ما تحضرني ألحين لو أتذكرها كلها كان ماطلعت من البيت بس أتذكر موقف قبل عيد الأضحى أنا عني دائما مستعجله ما أحب أطول في السوق أروح أخذ حاجتي وأنا أجري صدق مو كذب بس عشان أختصر الوقت في السوق المهم قبل العيد والناس زحمه في مركز تجاري وأنا معاي أغراض كثيره ومتبهدله أبي أخلص وكانوا في البيت موصيني بأغراض وأسأل البائع عن المقاسات وأدور الى أن لقيت اللي يبون وحمدت الله اني خلصت وطلعت وأنا حامله الأغراض بإيدي تصوروا أدخل محل ثاني وأنتبه إن الأغراض اللي معاي في ايدي مو في كيس أثاري الأخت من العجله طلعت ما حاسبت وانحرجت ورجعت الى المحل والناس زحمه ما أعتقد حد شافني بس السيكيورتي اللي على المحل قلتله ما شفتني قام يضحك ويهز راسه ما أعرف فهم ولا لا عاد الله ستر ما كان في هذي ا الأشياء اللي اشريتها حدايد تطلع صوت ولا فكروني حراميه ههههه هههههه

خخخخخخخخخخخخخخخخخ هههههههههههههههه لوووووووووووووووووووووول انواع الضحك والله ولدى يسألنى ماما وش فيه ليش تضحكين

:hahaha:
لا تعليققققققققققققققققققققق خخخخخخخخخخخخخخخخخخخخخخ:22: