شاركي في النقاش

سجلي الدخول لإضافة تعليق.

التعليقات

210
  1. @yabaad_hyy_1

    المشكلة انك نادر ماتلاقين اشياء حلوة ومحايدة بنفس الوقت...

    حتى لو كان لونها محايد...يجيك الموديل مبين انه بناتي او ولادي...خاصة الياقات والتطريز..

    بس انا شكلي بابداباغراضي...وعلى بداية السابع ان شاء الله باسوي رباعيه مرة ثانيه واتاكد...عشان اكون على بينه..

    على فكرة انت اخذتي مفرش المستشفى وقميص استقبال والا لسا؟؟
  2. @ykolon_lyh_la

    هلااااااااااا بنااات
    يابعد حيي .. وشلون قالوا لك بنت وبعدين ولد ؟؟؟ يعني ابي السالفه بالتفصيل ومتى سويت الاشعه ..؟ ووين ؟؟؟
    بشوف فيه مجال للغلط ..لانها قالت واضح مررة انه ولد ...
    وعلى فكره كنت متحمسه اخذ مفرش للمستشفى بس مدري وش فيني حامت تسبدي وقلت موب لازم اخذه معي << كني بشيله فوق راسي .. شاريته من الشهر الثالث !!
  3. @ampsham_alodamp

    هلا والله بحبايبي اهل الرياض

    انا توني بالشهر الثاني وعندي بنت وولد الله يحفظهم ...وكانه اول حمل لي كل شي غريب الوحم بشرتي مرره منعدمه..الله يكتبلنا الاجر ويسهل علي وعليكم

    لا وبعد ناسيه كل الااغراض حق المولود قبل الولاده :(


    مايأمر عليك امر ابي وحده تسويلي شريط الحمل لاني ماعرفت




    تحياتي
  4. @aooooof

    شيوخه
    هلا بالطش والرش والبيض المفقش
    وشلونك ياقمر ؟؟

    تحياتي لكل البنات والله يهون علي وعليكم ان شاء الله .... اول شي بنات تكفون ادعوا لي اولد بعد الامتحانات .....
    انا باذن الله راح اولد في دله ...
    يا بنات خل نقول الكلام صحيح ....طيب بالعقل كذا معناته راح يكون اهتمامهم الحين اضعاف باقي المستشفيات ...والله يرحمنا برحمته ويكتب لنا اللي فيه الخير ...
    اتابع عند د سلمى ....... والله ما شاء الله عليها فظيعه طيبه واسلوبها عسل وكثير مدحوا خياطتها ...

    بنات لا تنسون تحطون بشناطكم الصغيره 4 شغلات مهمه
    1- الورد حق الولاده (( الكتيب ))
    2- تمر في حافظه بلاستك صغنطوطه
    3- قاروره مويه فيها حبه صغيره مره علشان وانتي بالطريق رايحه للمستشفى تشربين شوي علشان ما تتعسر الولاده او يتسكر الرحم مع الروائح العطريه ..
    4- علبه فيها حلبه مطحونه .... علشان اول نا تقومين بالسلامه تخلينهم يجيبون لك كوب حليب ساخن واخلطي معه ملعقة حلبه وبالعافيه ترا مره ممتاز ان شاء الله ..

    شيوخه وسواريه وام ليان واللي يسالون عن الصواني الخشب المقسمه ....
    انا درت العويس محل محل للاسف ما فيه .... وش سويت !!!
    رحت لقلعة الكريستال واخذت صينيه خطيره خشب بني غامق بس كبيره شوي فيها صينيتين كبر بعض متقابلات حجمهم تقريباً شبرين × شبر ههههههههه ... وفيه باديتين صغيرات للعبس ..عاد انا ناويه وحده للعبس ووحده بحط فيها اعواد اسنان علشان التمر ..المهم وفي نص الصينيه زي الشمعدان او العمود الخشبي اللي مرتكز عليه صينيه بلاستك (طبعاً الصينيه هذي مع الصواني اللي قلت عليها تو كلهم بلاستك مشغول بالفضه المعتقه ).....الصينيه هذي اللي مرتكزه على العمود الخشب المشغول برضوا بفضه كبيره شوي يعني اكبر من الصينيتين اللي تحت ...
    انا حطيت في الصينيه الكبيره تمر كنيز (حق ابوي هههههههه) ومخلوط لين قال بس بسمسم ...هههههههههه
    والصينيتين اللي زي بعض تمر محشي ...شي حشيته ببسكوت مطحون وطحينه وشي لوز ..
    وطقمت مع الصواني هذي صينيتين مرتفعات على زي الشمعدان وحده عمودها خشب غامق..هذي حطيت فيها الشعبيات ووحده عمودها فضه وفيه حركات وشغل وبيضاويه هذي للمعجنات والمقالي ...نسيت اقول ان كل الصواني اللي ذكرتها باغطيه بلاستك مشغوله بالفضه ....
    طبعاً باقي صينية الشوكليت ...انا مثلك يا شيوخه دخت عند الصينيه الخشب المقسمه زي اللي عند جوي ...بس تغاليتها مره ...قمت وصيت وحده من المنتدى اسمها عبير الورد وتسوي نفس اللي عند جوي وتزينها بالطريقه اللي تبين ريش هدب كريستال ...المهم انا ما احب الريش فطلبت تصلح الصينيه خشب غامق وتقسمها تسع اقسام تنشال والزينه من برا تكون سلاسل فضيه على كلفه رمادي ...تعاملها ما شاء الله رووووووووووووعه ..بس ما بعد جتني الصينيه واذا شفتها بقولكم ....

    المفرش باخذ واحد من البيت ..انا كنت ماخذته من هارودز ولا لقيت احسن منه ..( توفير بعد ) هههههههههه
    اخذت مفرش ديور البيج اللي عليه دبدوب ويجي بشنطه ( برضوا توفير هههههههه ) واخذت مصاصة البيبي ديور السماويه .. والبدله عندي وحده بيج كيوت من ديزني ..

    زينة الباب
    اشتركنا فيها انا واختي وصاحبتها ...عباره عن سياره بالفلين مفرغه ورسمها رسم افلام كرتون وتسحب عربيه برضوا رسم افلام الكرتون وبينهم زي السلسله ساتان ... والشباك اللي قدام عليه صورة ولدي والشباك الثاني بنتي وفوقهم غيمة الكلام عرفتوها ...ومكتوب يا ناس يا عسل ..فلان وصل ....طبعاً اختي ما شاء الله رسامه واهي اللي صلحتها ...

    الهدايا
    مرايات زي حقات منول ولونهم فضي ومربوطات بشرايط ومزينات في علب بلاستك ... هذولي للبنات والهدايا الثانيه مصاحف مخمل ( ينقرى فيها علشان ما تكون زينه ...تقريباً نص الكف وداخل علبه مخمل نفس لون المصحف ...واول ما تفتحين العلبه طباعه بالذهبي (( اللهم حرم وجهي عن النار ووالدي ووالديهم وارزقني الدرجات العلى من الجنه ومن اهديته كتابك ...واجعلني عبداً صالحاً تقياً باراً
    ابنكم فلان بن فلان الفلان ههههههههههه ))
    والستاند عباره عن سرير خشب مشغول ....
    الواني (( ابيض وفضي وبيج ))
    وش بعد
    باحط قهوه وشاي وزنجبيل ...وترمس قشر القهوه لي ....
    الشكوليت حجزته بس اذا جتني الصينيه من عبير الورد اصفه فيها ....

    وفي البيت ( بحكم اني اول مره اتنفس ببيتي ههههههههه )
    صلحت غرفه لي للنفاس وبالكمدينه اللي جنب السرير حق النفاس حطيت في الدروج اللهومات ...وانتبهي ما تخلطين اكثر من 3 شغلات ويفضل تخلطينهم بعسل علشان ما تتغير خواصهم ...
    واذا ذكرت شي باقولكم
    بنات تكفون ادعوا لي الله يرزقني هون الطلق وحسن الخلق وما اولد الا بعد الامتحانات بالسلامه ...
    يووووووووووووووووووووووووووووه الله يعينكم على هذري ( عاد انا ما انعطى وجه )
    يالله باي
    استحيت من كثر كلامي ( لا تصدقون ترا وجهها مغسول بمرق بس تبغى تريح من الكتابه )

تابعي تجارب أخرى من هذا القسم.