السلام عليكم ورحمة الله وبركاته
اختى لحظة ندم انا هاوصفلك شعرى وحالته وبعدين اسئلك كام سؤال
بصى ياستى انا شعرى فتلته حلوه بس المشكله بيتساقط و متقصف وجاف وكمان مش مفرود يعنى لما اغسله واسيبه بيبقى هايش ومش مفرود ودا بيضطرنى لعمل حاجتين
اولا استخدم كريم او زيت عشان يسهل تسريحه ومايبقاش هايش لما ينشف
ثانيا بلف شعرى -طاقيه- عشان يتفرد
اسئلتى
1-ياترى اللى بعمله فى شعرىدا صح ولا غلط ( اقصد استخدام زيت او كريم للتسريح+ لف الشعر طاقيه)
2- عاوزه طريقه سهله تخلى شعرى مايبقاش هايش او بمعنى تانى تغنينى عن استخدام كريم او زيت للتسريح لانى مابحبش المس شعرى والاقى ايدى لمعت من الزيت اللى فى شعرى
3-فى غسول ذكره دكتور عادل عبد العال ( خل تفاح مخفف بماء +مغلى بقدونس+عسل+3 فصوص توم) وهو قال ان الغسول دا لمنع التساقط والتوم مطهر لفروة الرأس من البكتريا والعسل مغذى بس ماذكرش طريقة استخدامه ,بما انك عندك خبره ياريت تقوليلى ازاى استخدمه ( على فكره انا استخدمته مرتين كنت بدلك الفروه والشعر بالغسول واتركه ساعتين)
4- انا بعد غسل شعرى من الغسول كنت بنشف شعرى جيدا وبعدين احط على شعرى وصفة(الموز والكيوى) وبعدين اغسله بماء بس ودا عشان ييبقى شعرى مش جاف واعرف اسرحه من غير كريم او زيت والى حد ما لقيت نتيجه جيده مع انى استخدمته مره واحده فهل اللى بعمله دا صح ولا غلط؟ ولانى مش هافضل طول عمرى اعمل الوصفه دىانا هاستخدمها فتره محدده عشان اعالج التقصف
فياريت تقوليلى على حاجه سهله استخدمها وتعطينى نفس النتيجه
5- ايه هو السيرم وازاى استخدمه والاقيه فين وايه الغرض من استخدامه؟
6- حنة الفرد هل ليها اضرار على الشعر وياترى ايه الغريب اللى فيها يفرقها عن الحنه العاديه وبيفرد الشعر؟
معلش انا عارفه انى رخمه واسألتى كتير معلش استحملينى:(
شكرا
اى سؤال لحواء عن حلول لمشاكل الشعر انا مستعده اجاوبك
متابعة النقاش، صفحة 50