تركني للاسف في عز ضيقي

حبيبتي نسومه شوفيلج ربع متزوجين تفهمينهم ويفهمونج
بس لاتحاولين تخلين صداقتج تتعدى الحدود
الحين كل واحد ولبه على مشاكله
محد له خلق يسمع مشاكل وهموم غيره ..خلي مشاكلج وهمومج بعيد عن الناس
وشغلي روحج باي شي غير التفكير حق من افضفض وحق منو اشكي
واذا اشتد عليج الشوق والهم من بعد زوجج كتبيله رساله ولا كلميه بالتلفون
منه يعرف حبج وشوقج ومن انتي ترتاحين لما تفضفضين

حبيبتي الي يبيعج بيعيه
والي يشتريج حطيه بعيونج لكن لاتتحسفين على شي صار ومضى
شوفي حياتج وخلي ذكرياتج بقلبج
لي طرت على البال قولي الله يهنيها ويوفقها كانت في يوم نعم الصديقه..

لاتتعبي نفسك وتدوري عليها وهي هامله ولا تخلي في بالك وترا اذا فقدتي وحده ربنا راح يعوضك بألف غيرها

الف شكر اخواتي على حلولكم لي
اكيد انا بعد كلامكم وتعاطفكم معاي صرت اقوى
اقوى من جرحها لي ومن حزني
اقوى من دموعي اللي دايم تغلبني
راح أترك لها النهاية مفتوحة متى ما فكرت فيها
خلاص مليت مليت من صمتي على مآسيها
اكيد ما راح اموت لو مالقيت من اشكي له
وزي ماتوجتها ملكة الصداقة بايدي اقرب غيرها واسكنهم قلبي
واكون لهم اوفى من اهل وقرايب


اكيد راح تندم ...وراح ترجع
والاكيد...ماراح تلقاني بمكاني انتظرها زي كل مرة

راح تشوف غيرها حل بمحلها
وما راح اظلم باقي صديقاتي واخذهم بهجرها لي
واحذر منهم وابعد عنهم زي ما كنت ناوية

لا راح اكون اوفى من قبل واصدق من قبل
كثير حولي همهم يسعدوني بس للاسف ماكنت اشوف تضحياتهم
عشاني


اكررها الف شكر خففتوا همي

والله لو مامريت باللي مريتي فيه كان تعجبت وقلت معقوله صديقه تترك صديقتها فجأه

لكن انا مو احسن منك صديقتي

8 سنين

اعتبرها جزء مني

مانسيتها رغم كل شي ولاهي تقصر معي

توفت امي واتصلت تعزيني لانها مو معاي بنفس المدينه وكانت ماتقدر تتكلم من كثر ماتبكي لدرجة اني انا اهدي عليها..

وبعد هذي المكالمه مالها اثر

اتصل ماترد

ارسل ماترد

بيت اهلها تغير رقمهم

اتصلت من رقم غريب ردت وهي ساكته

انا من الصدمه لما ردت سكرت لما رجعت اتصل ماترد

ارسلت انا فلانه ردي ماترد

لاتقولون غيرت رقمها مايمديها تفصله واحد يشتريه غيرها

لاني ادق بشكل متواصل ما امداه ينفصل..

وحتى لو اللي اخذ الجوال مايقولي انا مو فلانه

لليوم مدري وش عذرها

وش ابرر لها

فجأه ماتبغاني كذا من غير مقدمات
حسبي الله ونعم الوكيل

الله يكون بعوني وعونك :(