غاليتي فراشة بنفسجية
الله ييسر لك ولادتك .. كما يسر لي ولادتي
ولدت طفلي الأول في مستشفى سعد .. وعلى فكرة مو شرط دكتورتك هي نفسها اللي تولدك
لكن الطاقم المناوب كان رااائع ..
يدخلونك غرفة على انفراد ما في أحد معاك مجهزة من إلى " هي غرفة الطلق والولادة " ورح تشوفين أول ما تدخلين على اليمين سرير البيبي " الله ينور عينك بشوفته " عشان على طول يحطونه ويكون الدكتور جاهز للكشف عليه .. وطبعا هناك ساتر ما يشوفك اللي يدخل الغرفة .
ودخلت أختي معاي .. وخلوها تصوّر فيديو " قالت لي بصورك قبل وبعد وأصور البيبي " وفعلا لما أشوفها اللحين أتذكر لحظات حلوة ولقطات رااائعة "
ولما أتى زوجي " كان بجدة حيث يعمل وحيث أسكن الآن " أدخلوه عادي وجلس يمسح على راسي ويدعي لي الله يسعده ..
يعني لا تشيلين هم .. الله يوفقك وييسر أمرك ويهون عليك ..
وما دامك رح تولدين عندهم خذي فكرة مسبقة عن أنواع المسكنات ترى يشرحون لك كل شيء
أنا طلبت بثيدين .. ما حسيت بشيء كأني أحلم لكن على قولة أختي كنت تتألمين :09:
الخياطة كانت على يد فلبينية من قسم التجميل .. استفسري بعد أحسن
ولا أوصيك اتبعي بعد ما تولدين بالسلامة .. نصائح أخصائية العلاج الطبيعي رح تجيك وتسوي معاك تمارين وتعطيك ورقة توضيحية .. احتفظي فيها ومارسيها إذا أرضعت طفلك وحطيتيه بمهده الله يحرسه
مهمة جدا التمارين .. افهميها عاااد :42:
وأي استفسار حاضرين :26:
** دعواااتكم لي أولد طفلي الثاني بالخبر .. حسبت ولادتي على الإجازة ..
لكن الله ييسرها ولا أولد مبكر ما أعرف شيء في جدة
ياااارب ييسر لي ولادتي بين هلي وناسي بالخبر **
][][§¤°^°¤§][ حوامل الشرقيه حياكم الله تجمع جديد ][§¤°^°¤§][][
متابعة النقاش، صفحة 45