شاركي في النقاش

سجلي الدخول لإضافة تعليق.

التعليقات

64
  1. @tfahh_zrkaaa

    موضوعك حلو طبعا مافي شيء كامل الا وجه سبحانه وتعالى
    انا راح اقولك عن وحده اعرفها شخصيا البنت طيبه وحبيبه واجتماعيه هي تروح عند اهل زوجها بس الشهر مره تدرين ليه ؟؟
    ام الزوج عليها لسان استغفر الله وعليها اسلوب في الاستهزاء ولا يحلى لها الا اذا جاء الولد يعني زوج البنت وحتى عيالها شوي وتاكلهم واذا طلعت لازم يصير للبنت مشكله مع زوجها الام واخواته الله يهديهم ليه زوجتك كذا ليه لابسه لبس جديد حافظ على فلوسك ليه ماعزمت فلان وعلان طيب هذه ايش تسوي معهم والله ما الومها اذا قطعتهم 000
    وعني انا الحمدالله علاقتي معهم ماشاء الله زينه لانهم هم طيبين انا كل اسبوع عندهم وبعض المرات كل اسبوعين 000
    بس حبيت اوصل لك فكره وهي بعض المرات تكون الزوجه ماعندها اي احترام لااهل الزوج او ماخذه موقف وبعضهم شايفين نفسهم على اهل الزوج نوع من التكبر 000
    انا اخوي متزوج وحده ماشاء الله عليها لو تشوفينها كيف تعامل امي تقولين امها والله اننا نحبها من قلوبنا الله يوفقها ويرزقها الذريه الصالحه مع انه قبل ماتزوج محذرينها من امي بس شافت امي وقعدت معها ومع اخواتي وحبتهم والله عندي كلام كثير بس خير الكلام ماقل ودل
  2. @am_shhd_3_1

    أنا والله بصراحة إذا ما شفتهم أحس شئ ناقصني على الأقل أكلمهم بالتلفون وللمعلومية أنا ساكنة تحتهم والله يعني حتى عمتي إذا ماجيت ولا طليت عليهم تفقدني وتدور علي وتشوفني يمكن أكون تعبانة وتقولي أنا والله إذا ماسمعت صوتك أحس شئ نا قصني الله يسعدها والله إني أحبها وأشوفها مثل أمي ما أزعل حتى لو غلطت علي وأخذها على قد عقلها وأحاول أعوضها عن زوجات أولادها الباقيات لأنهن الله يهديهن ما يستحملون منها شئ والحمد الله والله إن هذه من فضل الله علي إني أعاملها بكل طيب وحنيه سامحوني طولتها عليكم بس حبيت أحكيلكم شئ من تجربتي مع عمتي والله إني حتى أشوف ثمار هذا التعامل في حياتي الزوجية وتعلق زوجي بي ولله الحمد ولكم مني جزيل الشكر على هذا الموضوع:26:
  3. بسمـة
    سلام الناس يختلفون فيه أهل زوج والله لو تجلسين معهم 24 ساااااااااعة مايملون منك وبتكونين عسل على قلوبهم وفي بعضهم لا يحبون الزيارات الخفافية يعني الموضوع كله يعتمد على نفسياتهم تجاهك ونفسيتك أنت بعد تجاههم أنا أهل زوجي أحبهم ك…
    انا عندي بهالموضوع ىشعارات لاني قد اكلت خابور من اهل زوجي والشعارات هي رحم الله من زار وخفف خلك بعيد حبك يزيد البعد سعد وسلامتكم
  4. @lyna_18

    بنات اكيد هم ماسوا كذا الا شايفين شئ
    انا شخصيا والله كنت قمه الاحترام واتعامل مع اهل زوجي مثل اهلي والله الشاهد
    وكنت اكلمهم واهديهم وامشيهم حتى لكن من جد بدوووووووون اي فائده لكن انا اهم شئ
    الله سبحانه واخر شئ من شده الغيره فيهم والفراغ قامو يختلقوا القصص والاكاذيب

    والله اني انصدمت على قد ماتحترمي مافي فايده لكن انا ماالومهم يمكن الجهل
    وعدم الثقافه تجعل التواصل صعب وانا شخصيا قررت انسحب منهم واحث ابنهم يواصلهم
    رغم انه طفح فيه الكيل من الاكاذيب والكلام في ظهورنا والسبب اننا ولله الحمد متوفقين

    حسبنا الله ونعم الوكيل طبعا انا ماانكر انه هناك زوجات اولاد بالعكس اهل زوجي اخلاق
    وهي متوحشه وتحب الانفراد الله يهدي كل ظال يارب ويبعد عن قلوب الناس الغيظ !

    تحياتي لكم

تابعي تجارب أخرى من هذا القسم.