شاركي في النقاش

سجلي الدخول لإضافة تعليق.

التعليقات

649
  1. @am_gmylh_2

    صباح الخير ازيكم
    حبيبه
    ازيك ياحبيبتى ربنا يهون عليكى الوحم ان شاء الله هايعدى اهى ضريبة ولازم تدفع
    ساره
    اخبارك ايه طمنينا عليكى
    شيرى
    ازيك ياحبيبتى وازاى البيبى وادهم ربنا يقويكى
    ام شهاب
    ازيك وازاى البيبى
    امه الله ربنا يسهل ونقدر نوفق بين الشغل والبيت والزوج والبيبى ان شاء الله ربنا هايقدرنا انا بس قلقانه من الفترة الاولانيه اللى المفروض البيبى بيرضع من الام بس
    انا بقى عندى صداع بقى له 3 ايام يروح وييجى واخدت مسكن وحطيت فيكس وبرده مافيش فايده لما خلاص ربنا يسهل
  2. ازيكم يا حوامل
    انا الحمد للة كويسة بس بفكر فى الولادة كتير وخايفة
    والمشكلة ان جالى برد جامد لدرجة انى مش عارفة انام ادعولى
    وا
  3. @am_shhab1

    ساره سلامتك ياجميل الف مليون سلامه وان شاء الله تقومى بالسلامه وبلاش القلق ده وربنا ان شاء الله هيسهلها حاولى تسترخى واشربي حاجات دافيه

    جود تيست نورتى الملف انا بردو اول حمل ليا وجبت من سيتى ستار شويه حاجات من محل اسمه لف اند كير اسعاره معقوله

    السرير والعربيه جبتها من سيتى سنتر بتاع كارفور في محل هناك في المول بس مش فاكره اسمه بس غالى شوية

    والمقاس بردو جبته تلات شهور مافيش اقل من كده وبعدين متكتريش لبس لان البيبي بيكبر بسرعه في الفتره دى

    امه الله ربنا يتمم حملك على خير طمنينا لما تراجعى عند الدكتور

    ام جميله سلامتك من البرد الف مليون سلامه حاولى تشربي ليمون دافى وحاجات دافيه

    باقي البنات فينكم

    كنوزة فينك ياجميل طمنينا
  4. ام شهاب1
    ساره سلامتك ياجميل الف مليون سلامه وان شاء الله تقومى بالسلامه وبلاش القلق ده وربنا ان شاء الله هيسهلها حاولى تسترخى واشربي حاجات دافيه جود تيست نورتى الملف انا بردو اول حمل ليا وجبت من سيتى ستار شويه حاجات من محل اسمه لف اند كير اسعار…
    ألف سلامه عليكي يا ساره شفاك لله و عافاكي
    good tasteأنا لقيت سراير حلوه أوي في كارفور منهم واحد ينفع للبيبي لغاية 3 سنين
    ولسه ما ابتديتش أجيب ولا حاجه للبيبي
  5. @good_taste

    ام شهاب........شكرا" على الرد بس ممكن اعرف السرير فى حدود كام و خشب ولا اية؟؟؟؟معلش هى رخامة بس لو مش عايزة تقولى متقوليش عادى انا بس عايزة اعرف عشان محتارة اشترى اى نوع.

    امة الله......فى ناس قالولى بلاش كارفور فى الحاجات دى لانها بتبقى سكة.....بس على العموم انا هروح ابص بردة ...و انصحك تنزلى تجيبى حاجات البيبى لان فى الاخر الواحد مش حيبقى فية نفس ينزل و يلف و بعدين عشان متحسيش بالمبلغ لما تجيبى كلة مرة واحدة .

    ربنا يقومنا بالسلامة كلنا ان شاء الله.

    على فكرة عايزة اخد رايكم فى الاسم يعنى استفتاء و حاخد برأى الاغلبية....

    1-جودى
    2-لمار
    3-مريم
    4-رزان
    و اللى عندة اسامى احلى يقولى...........مستنياكم.

تابعي تجارب أخرى من هذا القسم.