سافرتي مع طفل رضيع؟ ممكن تجربتك لا هنتي...

انا مجربه والحمدلله تتسهل لاتشيلي هم اهم شي تاخذي العربيه عشان تريحك في المطارات احسن من انك تشيليه زي الي في الصوره اتوقع متعبه وبعدين عند بوابة الطيارة ياخذوها منك وانتي نازلة تاخذيها ولما تحجزي قوليلهم على سرير للبيبي مره مريح في الروحه اعطونا بس الرجعه ماكان في واعطونا الاربع مقاعد الي في النص وعمر ولدي اربع اشهر والحمدلله عدت ودايم الروحه ما تحسي بشي تكوني متحمسه بس الرجعه متعبببببببببببببببببه , اهم شي كثري الغيارات للبيبي والله يسهل لكم

منكم نستفيد

ياعزيزتي ذكرتيني بااسؤ تجربة سفر في حياتي...عن جد كانت مصيييبة وقرف يعني ماقدر اوصفلك...
على االعموم الاخطاء تبعي اني اخذت العربية الكبيرةووهذي طبعا ماهي مسموحة وانا ماكنت اعرف فاانتي العربيات الصغار وحتى الحملات الى في الصورة مريحة نوعا ما...اما بخصوص السرير المضيفات يعطوكي في الطيارة بس انا بنتي كانت طويلة ماشاءالله عليها فحملتها في ايدي طواااال الرحلة....بخصوص الغيارات احسن لك تاخذي الشنط المخصصة وتحطي الملابس الي تبغيها وتبدلي للنونو في الطيارةااريحلك.....وان شاء رحلة موفقة ومريحة اختي....باالتوفيق

على حسب عمر البيبي اذا صغير بينام ويريحك.
إذا تحتاجين السرير اللي في الطياره احجزيه مقدم بس انا كان دايما صغير على عيالي فاشيل معاي فراش صغير اذا توفر مكان احطهم او امسكهمز
أهم شيء رضعيه في الاقلاع و الهبوط عشان ضغط الأذن.
عمري ما جربت اودي كارسيت لان هني مب منتشر لكن في امريكا عادي بس يمكن لازم تدفعين كرسي زياده تركبين فيه الكرسي و تحملينه في المطار.....الخ
العربانه شيء أساسي للمطار و خليها الى مدخل الطياره و اطلبي استلامها عند باب الطياره في الوصول.
أهم شيء اخذي حفاضات زيادة في حالة التأخير...الخ
و الله ييسر

انا سافرت تقريبا كانت بنتي رضيعه
والمره الي بعدها كانت سنه و6 شهور
طبعا لمن تكون رضيعه اهون بس يرضعو وينامو وانت زي ما قالو الاخوات خذي عربيتها حاولي تكون صغيره هما يشيلوها منك قبل لاتركبي الطياره
اذا الطفل رضيع انت خذي كل شي خاص فيه مثل ترمس المويه حقتو خليها حاره مره وانت افصليها بمويه صحه بارد بدل ما كل شويه تطلبي من المضيفه تجبلك مويه حاره
استخدمي الرضاعه اللي تكون بااكياس بلاستيك بعد ما تخلصي ترميها احسن وانظف واعقم بد ما كل شويه تغسلي رضاعه
اذا طفلك من النوع اللي يستفرغ <الله يكرمك>خذي له كم قطعه من الملابس احطيات ونت كمان لاتورطي خذيلك عبايه احطيات
(والله هذا كله انا استفدته من المنتدى كانت وحده الله يجزها خير منزله موضوع وكاتبه فيه اشياء كتير بس للاسف ما اعرف الرابط)
طبعا عمر سنه ونصف جد ا جدا متعبين في الطياره يبغو ينطلقو في الطياره وكل شويه المضيفه تقلقك اربطيلها الحزام ممنوع المشي في الاسيلب ومن دا الكلام
هذا اللي في خاطري دحين وان شاء الله تستفيدي