هل تستطعين العيش دون شغاله ؟؟؟تعالوا شوي

ما ادري انا احس اللي قاعدة في البيت تقدر تستغنى عنها بكل بساطه اذا ما كان عندها الاطفلين مثلا مالها داعي ...تاخذ الشغل علي مهلها عندها وقت طويل ..

لكن الموظفه والطالبه صعب طاقتها كلها تروح في العمل...غير كذا يومها في البيت مايبدأ الابعد المغرب ..لانها ترجع تطبخ تتغدى تصلي تنام ..تصحى في المغرب يدوب لازم الساعه 11 او12 تكون مخلصه كل شي ..صراحه صعب اذا زوجها يباغ عشا اذا يبغا حلا كوي غسيل والزيارات مستحييييييل

انا جتني شغاله وجلست عندي شهر ونصف بعدين طلعت مريضه وسفرناها بس فعلا كلام الاخوات صح تريحك من شغل البيت ويكفي الراحه النفسيه اذا صحيتي من النوم البيت في وجهك نظيف الشاهي والفطور مجهز واذابغيتي تطلعين هي تستلم المواعين وانتي تجهزين نفسك وعيالك على راحتك وانا بصراحه الا هالحين وانا احس اني ما تاقلمت على الشغل عقبها وعلى فكره انا عندي طفلين

أنا مستحيل أستغني عنهم .. لكل شيء إيجابيات و سلبيات ..
أعاملها بالحسنى و اخاف الله فيها و أتوكل على الله ..

صراحه الشغاله وجودهاضروري اناكان ماعندي بس تعالوا شوفوا تنظيف طبخ تسبيح البزران غسيل الملابس كوي صراحه كنت عصبيه اضرب وهزا على حوستهم وانااحب البيت يكون نظيف 24ساعه صراحه تعبت اخر النهار مافيه صوت ولا مذاكرت العيال ولااذا طلعت اخذساعتين البسهم ورتبهم بعدين نفسى بعدين الشاهي والقهوه صراحه تعبت تعب تعب واناربت بيت يعنى ماعندي وظيفه الشغاله ضروريه

الحمدلله على الصحه والعافيه الله سبحانه اعطانا النشاط والتفرغ لاشغال
البيت وكل زوجه غير موظفه تقدر تستغني عن الخدامه وبشهاده إمتياز
كنت عايشه بدون خادمه والحمد لله مرتاحه انجبت 4 واهتمام ونظافه وقايمه
بواجباتي وفوق هذا عندي وقت فراغ كبيييييير ومااحتجت للخدامه الا بعد
ماسكنت فيلا دورين ماشاء الله ومستحيل انظف البيت كله وطبعي موسوسه
بالنظافه زياده عن اللزوم ووالله ان الخدم شر لابد منه ومسؤوليتها فوق
اكتافي واحرص عليها من كل مرض واحرص عليها لاتطيح ولا ينكسر فيها
ضلع حرصي عليها اكثر من حرصي على نفسي وهي جايه تنظف وتساعدني
ولو مااحتجتها كان مااستقدمتها لان البيت بدون خادمه رااااااااااحه مابعدها راحه
لكن مجبر اخاك لابطل يوم كنت اعيش بجناح غير عن العيشه ببيت كبير
الشاهد اني لو كنت بشقه مااجيب خدامه حتى لو اطفالي 10 لاني الوحيده
مسؤوله عنهم من وإلى ومو عاجزه عن الاهتمام فيهم وممكن اذا كبروا
شوي يساعدوني باشغال البيت <<<<والله يعين كل زوجه على مسؤوليه
البيت والزوج والاطفال والخدم وعلى نفسها بعد:)