ولدي يبغي أصدقاء .. من وين أجيبله ؟ .. ساعدوني

@alsyd_mama

السلام عليكم و رحمة الله و بركاته

شخباركم امهات المنتدى عساكم بخير ان شاء الله .. من زمان ما شاركت معاكم .. هذا الي بعده يذكرني

المهم

ولدي عمره خمس سنوات ما شاء الله عليه اجتماعي .. يبغي الناس حواليه طول الوقت .. مافي مشكله في المدرسه يلعب مع ربعه .. بس بعد ما يرجع مافي حد غير اخته و هو يبغي اصدقاء اولاد او اي حد في سنه ما عدنا جيران و الاهل شوي بعاد يعني يا اخته تلعب معاه يا تلفزيون .. يشوف اولاد يلعبون جدام البيت بس عمارهم من 9 و طالع ما اقدر اخليه معاهم -مستحييييييييييل- .. مرات اخليه يلعب كره جدام البيت و الشغاله تراقبه .. بس مش عاجبه .. حطيته في نادي مرتين في الاسبوع مش مكفنه .. احس فيه يبغي صديق مقرب يعني معاه طول الوقت .. شو اسوي من وين اييبله .. معورلي قلبي ، اليوم لقيته يبكي من خاطره مسكين

ابغي اعزم حد من ربعه في المدرسه لبيتنا بس احس بعدهم صغار يمكن اهلهم ما يسوولهم سالفه يودونهم زيارات

شورو علي الله يخليكم شو اسويله ؟

بارك الله فيكم و يزاكم الله خير

5 تعليق 846 مشاهدة

0 0

شاركي في النقاش

سجلي الدخول لإضافة تعليق.

التعليقات

5

  3. @dfaf_alkhlyg

    السلام عليكم
    اشتري له علبه الوان خشبيه واعطيه الدفتر المرسوم عليه وهو بس يلونه واظهري له انه غايه في البداع وامدحيه واذا جاء ابوه وريه امام الطفل عشان يعرف انك مهتمه فيه وانه ابدع وان عمله عليه القيمه ولزقيه ع باب غرفته وباذن الله يسلا عن الاصدقاء

  4. @alsyd_mama

    صاحبة الموضوع
    ضفاف الخليج
    السلام عليكم اشتري له علبه الوان خشبيه واعطيه الدفتر المرسوم عليه وهو بس يلونه واظهري له انه غايه في البداع وامدحيه واذا جاء ابوه وريه امام الطفل عشان يعرف انك مهتمه فيه وانه ابدع وان عمله عليه القيمه ولزقيه ع باب غرفته وباذن الله يسلا ع…
    يزاكم الله خير عزيزاتي على الردود .. و الله احاول املي وقته بكل شي يخطر على بالكم .. بس هو يبغي حد في سنه و ولد بعد .. شكلي بتوكل على الله و بعزم بعض من ربعه في المدرسه للبيت .. يا اني ابعث كروت مع اليهال او اذا شفت اي حد من امهاتهم اعزمهم .. عسى يستانس و يفكنا من الصدعه

  5. @nor_tryky_ya_allh

    فكرة حلوة..

    حاولي تعزميهم فعلا..

    وممكن كمان..

    اقترحي على أمهاتهم.. مو كلهم طبعا..

    ان أولادهم يشتركوا مع ولدك في أي نشاط.. خارج المدرسة..

    يعني تروحوا حديقة مع بعض.. انتي واولادك.. وصديقه وأسرته...

    تروحوا البحر..

    يشتركوا بلعبة معينة في النادي..

    الله يخلي لك أولادك ويسعدهم ويبارك فيهم ان شاء الله

    كل اللي في سنهم على فكرة ما يصاحبوا إلا الكبار...

    تصوري بنت جيراننا من عمر ابنك.. مصاحباني أنا وأختي.. عمري 26 وأختي 21..!!!

    تحسيهم يحبوا يتعلموا من الأكبر منهم.. يحبوا يثبتوا أنهم كبروا بهذه الطريقة...

    حاولي تعطيه مسؤوليات يثبت وجوده فيها قدامك وقدام أبوه..

تابعي تجارب أخرى من هذا القسم.