السلام عليكم
اخواتي من كم يوم كتبت لكم عن امي واني خايفه عليها
http://forum.hawaaworld.com/showthread.php?t=779595
بس اللي ما قلته لكم ان اللي يتسبب في مرض امي وقلبها كل مره وتنوميها في الانعاش وتعبها اهو اخوي .....
اخوي دايما يصرخ عليها ويغلط عليها واهي ما ترد عليه تقول ولدي اخاف اغضب عليه ، اهو كان زين معانا كلنا ومع امي ، بس ابتدى يجيب معاه بنت البيت ( من جنسيه غير عربيه)ويدخلها غرفته ، وكنا مو راضيين بس ما قدرنا نقول شي ( ادري ان هالشي وايد غلط) ، بس كنا نبين له ان احنا مو راضيين ، تخيلوو اخواتي اكون قاعده انا وعيالي وامي نتعشي او نتغدى يدخل ويقول سوولي درب ، ونكون عارفين ان بنت اللي معاه ويبغي يدخلها غرفته ، (( انا ما كنت اقدر اتكلم لاني مره تكلمت وقالي انتي مالج حق في هالبيت انتي تنجبين ، مع ان هاللبيت بيت الكل من بعد وفاه الوالد الله يرحمه) ) كنت اسكت عشان امي ، واذا امي تكلمت والله يا اخواتي انه يصرخ عليها مو صراخ عادي لا مو عاااااادي شفتوو الوحش مثل الوحش ، الكل يخاف منه ، وامي كانت تخاف منه وتصيح وتسكت ، وكانت تقول هذا ولدي ما اقدر ادعي عليه ، او اخلي قلبي يغضب عليه ما آآآقدر، وطبعا بنفس الليله يدق عليها قلبها وتتنوم في المستشفى واحنا صياااح وحالتنا حاله واهو ولا يهمه ، ينزل يقول للخدامه طبخي الاكل وودي لها الغرفه ، والحمدلله رب العالمين امي تترخص بعد فتره ويخف عليها مرضها ، وطبعا اهو مستمر في اللي يسويه ، تصدقون اخواتي لما نمر عند غرفته نسمع اصواتهم واهم ....... والعياذ بالله ،، انا ما قدرت اسكت كلمت امي وقلت لها لازم يوقف عند حده انفضحنا عند الناس الكل يشوفه واهو يدخلها البيت ،وقلت لها احنا نكون مشتركين في الذنب معاه ، وخليت امي تكلم اخوي الكبير (( هذا مو ساكن معانا ومتزوج)) واخوي وقفه عند حده وطبعا سوالنا مصايب من كثر صراخه وقام يقول لامي انتي ما تحبيني وما تبغين سعادتي ، وانقلب علي وصااااار يكرهني كره مو طبيعي ، وانا دايم اتجنبه ، وكان بعد يصرخ على امي دايم ليما امي في مره ما قدرت تتحمل ودعت عليه جدامه ، والله يااا اخواتي ان بالكثير يومين او ثلاثه ومسكته الشرطه في موضوع ماله شغل فيه ، وانسجن ثلاث ايام تبهدل فيها ، وبعد ما طلع رجع وباس راس امي وقالها سامحيني واهو يصيح وامي تقوله خليتني ادعي عليك وانا ما ودي :( ، وكم يوم كان فيها زين بس بعد شهر او اقل رجع لصراخه على امي وعلينا ، والله اخواتي يقط عليها كلاااااااام مثل السم واهي تسكت تقول ما ودي ادعي عليه ، ومع الايام يزداد في كراهيتي ، يكرهني مع اني عمري ما غلطت عليه بالعكس احاول اتجنبه ( انا بطبعي ما اقدر ارد على احد بس اصيييح )) ، واليوم صارت سالفه على موضوع تافه وصرخ على امي ، ويقول لها انتي ما تحبيني ، انتي تفضلين بنتج علي (( اللي اهي انا)) ، وامي تصيح تقول ما ودي اغضب عليه وادعي عليه ، وتقوله انت ولدي شلون ما احبك ، انا اتمنى لك كل خير والله يهديك ،والحين امي تعبانه قلبها (( ادعولها تكفون )) توني قمت من عندها ، عطيتها ماي زمزم وقلت لها لا تفكرين ومافي الا الخير وعادي تصير ولا تحاتين ، وباجر على دوام الجامعه اول يوم ولازم احضر بس مب مداومه ما اقدر اخلي امي ، والله اخواتي دايم ادعي ربي يرزقني بوظيفه عشان امورنا انا وزوجي تتسهل ونشتري بيت وآخذ امي عندي واريحها من الهموم والمشاكل ، آآآآآآآآآآآآآآه والله كل اللي اتمناه اني اتوظف عشان افرح قلبي امي واخذها عندي ، تدرون انا واختي وعيالي حالتنا حاله واهو ولا همه ، اخواتي امانه ما تدعون على اخوي اخاف يصيده شي وامي تزعل وتتعب اكثر عشانه...
ادعوووو لامي الله يشفيها ، وادعولي الله ايسر لي وظيفني وهم ادعوو لاخوي الله يهديه ويحنن قلبه على امي المسكينه.....
بنات الله يخليكم اللي تعرفني تستر على ما قرأت ، وارجووكم لا تاخذون فكره غلط عنا او عن تربيتنا ، والله كلنا الحمدلله نعرف ربنا بس سبحان الله هالأخ غير عنا ، الله يهديه ان شاء الله ، وانا فكرت قبل لا اكتب هالموضوع الف مره ، خفت تاخذون فكره غلط عنا او شي بس انا متأكده انكم عارفين ان ياما ناس متدينين ويطلع لهم ولد غير عنهم...!!!
يااارب تمر هالكم ساعه لي بكره على خير وما تتعب امي اكثر وتدخل المستشفى يااااارب
شاركي في النقاش
سجلي الدخول لإضافة تعليق.
التعليقات
26- الله يعينكم والله ابتلاء من الله
تدرين اختي اخوك هذا غافل ولازم احد يطلعه من غفـلته ياا اما تخلون شيخ دين يكلمـه او تشترين شريط ديني وتهدينه اياه او تحطينه بسيـأرته يمكن الله يهديـه منـه انصحـك بشريـط ( قـلبي الأسيـــر ) للشيخ الدكتور خالد الجبيــر وربي يليـن الحجـر وادعووا الله لـه بالهدايـه وقولي لوالدتـك تدعي له بالصلاح والهدايــه وياااختي في مصايـب لاتقولين اللي تعرفني تستر علـي لاتخـافين من كـلام النـاس الدنيـا كلها دار ابتـلاء وكل بيت فيها مشـاكل وبلاوي كبيـره انتوا ادعـوا الله وشغلي دايم ببيت اهلـك قرآن واذا تقدريـن كلمـي البنـت اللي تجـي او خلي احد يكلمـها وينصحـها او اكتبـي رسـأيل عن ـ
عــذاااب الزنـأ واكتبـي لأخــوك او قولي له تـرضاها عليـنا وقولي له حديث الرسول ( من يزنـى يُزني بحيطان دارهـ ) قولي له اذا الله ماابتـلاك بخـواتك يبتليـك ببناتـك ( طبعـا الله لايقولها يارب ويتووب عليه بس هالكلام لو ينقـاله يخليه يحس حتى لو مابطل يظل هالكلام يزن براسـه )او بشـرف احد من قرايـبك حاولي تخوفيــنه ،، قولي لـه لو تمــوت وانت على هالمعصيـه الكبيـره و غضب امـك وكبيره من الكبائر اللي هي الزنــا قولي له لو مـت شنو راح تقـابل ربـك فيـه من اعمال او اكتبيـها وحطيها بغرفـته او بكبتــه ،، وقولي له الزاني لـه نـأر ويكـون فيها خالـد مخــلد الله يكفينا شرها ويحرم وجيهنااا عنها..والله الرسـاله توصلـه واطبعيها اذا خايـفه منـه واللـــه يكـــون بعووونك ويرزقـك بالوظيــفه وويهدي اخــوك يارب ويصلحــه ويعطي امــك الصحـه والعااافيه ويغفر لنا جميـــع ياااارب - اسمعي اخاف ها الحماره ساحرته
اقروا عليه او شغلو سوره البقره با البيت
اعوذ با الله هذي وين اهلها عنهااااااا ؟؟؟؟؟؟؟؟؟؟؟؟
تدرين اذا دخلوا بيتكم علمو الهيئه عليهم ؟؟؟؟
بتقولين اخوي او معليش خليهم يجلدونه ويعرف ان الله حق ...هو وها اللي ماتربت - الله يهدي اخوك ويحنن قلبه عليكم اكثروا من الدعاء له عسى الله ان يستجيب دعائكم...
- لاحول ولاقوة الا بالله
الله يصبر قلب امك ويشفيها ويقومها بالسلامه
ويرزقك بالوظيفه اللي تسعدك وتعيشك احسن عيشه
ويهدي اخوك الى طريق الهدى ويحنن قلبه عليكم
لكن استغرب من جراءة هالبنت اللي تدخل معاه وليه ما تبلغون عنها المشاركة المقتبسة غير متاحة.
مواضيع مشابهة
تابعي تجارب أخرى من هذا القسم.