بنات قطر والي عندها سؤال حياكن الله

السلام عليكم ورحمةالله وبركاته

صبحكم الله بالخير واحلا صباح على هالوجيه الطيبه ومبروك عليكم المطر
امس رحنا انا والاطفال مع زوجي صوب النجيان من جهة القاعده ماشاء الله الناس ذبحه بس عن خاطر زوجي لقى خلاص واحد قلت له نعمة والحمدلله هههههههههههههههههه

اخباركم اخواتي ان شاء الله بخير

السلام عليكم اختي نبع قطر انا ولدي كانت عنده حساسيه وتطلع بقع حمرا وبعدين تختفي المهم اني انا وديته الرياض عند دكتور وايد شاطر عرف النوع الي مايطيح على ولدي وقال منعوه من هذي الاشياء لمده هو يحددها وبعدين جيبوه نسويله تحليل دم والمهم والحمدلله ان بعد سنه قدر ياكل بعض الاشياء والحين بس يتحسس من المكسرات والفول السوداني (السمبل ) لاني منعت هالاشياء نهائيا عنه والله اني تعبت معاه وايد لكن الحمدلله والحين ان شاء الله رايحين له عشان بعد نسوي له تحليل ونشوف النتيجه والله كريم وبعدين الدكتور قال انه لما يكبر بيخف عليه وترى هالشي يكون في الدم مب شرط يكون من الجلد
فانا اقول سوي لها التحليل واذا تبين عنوانه بارسله لك
وولدي تراه يتابع عند الكتور محمد هليل في قسم الاطفال في مستشفى حمد والصراحه هو اللي عطاني عنوان الدكتور واظن ان الجهاز حق اختبار الحساسيه موجود في الدوحه لكن انا عندي اللي في الرياض احسن وانتي على راحتك
والله يشفيها ان شاء الله

اختي كريكره ماتشوفين شر ترى في دكتور في مستوصف الجزيرة اسمه حمدي انا تعالج عنده عن القولون وهو معروف

ايوه حمدي وااايد شاطر