شاركي في النقاش

سجلي الدخول لإضافة تعليق.

التعليقات

54
  1. @classic2004

    انا امي كانت قمة في الجدية والعصببية معاي يوم كنت صغيرة ..
    شفت الويل ولما صرت مراهقة ياما سويت اشياء لمجرد اني اعاندها فقط .. وهي تزيد وانا ازيد ..
    وطبعا كان بيننا نفور مب طبيعي
    مدري من الغلطان انا او الطريقة اللي اهلنا متعلمنها من الجفاف ..
    على الدعاوي ياما سمعت وعلى الاهانات سمعت .. وفي اشياء وايد احاول اشطبها من حياتي
    بس قبل سنة ونص او سنتين تقريبا مدري شاللي صار يمكن المصارحة
    بيننا .. صار بيننا ارتباط غريب .. وبصراحة .. كنت اشوفها ظالمة .. واللحين صرت اشوفها مظلومة ..
    تعاطفي وايها زاد .. وخصوصا عقب ما تزوجت ما اقدر اقعد يوم بدون ما اكلمها واسمع سوالفها ,,
    واللحين لو صار في شي لو بسيط اشوفها هي اللي تتالم علي ..
    بس مع هذا كله احس انها ببعض تصرفاتها هي السبب في تشكيل شخصيتي الحالية ..
    احس اني صرت جافة نوعا ما ومشاعري ما ابينها لاي احد .. عشان ما اعطي فكرة انه جرحني او قدر ياثر فيني ..
    بس مهما كان هذي امي .. حاولي مع امج يمكن تتغير .. والله يعينج ..
  2. @zork_ord

    السلام عليكم ،،

    عمرك طويل وشفت واحدة أمها تقريباً مثل أمك .
    وبعد شسوى هذي امي جنتي وناري ، وعلى فكرة أهي الحمد لله الحين معاي أفضل من قبل بكثير
    وبصراحة ما تنلام ما كملت تعليمها تزوجت صغيرة .. وظروف عيشتها ومرت فيها .

    فتصبر ياأختي على امك ، وذكري نفسك مثل ما أذكر نفسي بالاجر والثواب
    ((اذا كنت بارا فأنت حاج ومعتمر ومجاهد .:عن أنس رضي الله عنه قال : أتى رجل إلى النبي صلى الله عليه وسلم فقال : إني أشتهي الجهاد ولا أقدر عليه فقال " هل بقى من والديك أحد ؟قال : أمي ، فقال " قابل الله في برها ، فإذا فعلت ذلك فأنت حاج ومعتمر ومجاهد " ))
    يعني من قدنا حج وعمرة وجهد في سبيل الله ، مقبولة بأذن الله .
  3. @mryomh_2

    سمارا تمارا مو الكل كذا السبب انه الام كانت تمر بمشاكل نفسيه سابقا ..وبأزمات معينه وعقد ..

    عزيزتي صاحبة الموضوع ..مثل ماقلت لسمارا تمارا وفاقد الشيء لايعطيه ..يعني لاتزعلين منها السبب مو منها السبب من مجتمعها سابقا كيف كانو يعاملونها ؟؟ كيف كان اسلوبهم معها !!

    وطبيعي طبيعي ماراح تعطيك شي هي كانت فاقدته مع اني اعرف ناس لا يقولون اللي شفناه مانبي عيالنا يشوفون هالشي بس قليل اللي يفكرون كذا

    صدقيني اذا سوت لك شغله معينه ..هي بينها وبين نفسها يمكن تبكي وتعنف نفسها ليه سوت فيك كذا والمفروض ماتكرر مأساتها اللي صارت لها وهي صغيره فيك ..وتتفق بينها وبين نفسها انه هالشي اللي تسويه غلط ومابتكرره لكن مافيه فايده ولا كأنه قالت شي وتعيد اللي سوته فيك واكثر ..

    فلاتلومينها حبيبتي مو بيدها غصبا عنها هالشي .. وهي ماتكرهك ابد .. انتي اذا شفتيها عصبت ..قربي منها وضميها وقولي لها كلام حلوو هي فاقده هالشي صدقيني راح تهدا وشوي شوي بيخف لكن مابيرووح لانها ترسبات سنين ..

    الله يكون بعونك وبعون كل بنت تمر بنفس ازمتك .. وان شالله كلامي ماضايقك بس لابد من الصراحه عزيزتي ..

    موفقه يالغاليه :26:


  4. @mgoodh3

    نعم اعرف وسمعت بأذني ام تتدعي على بنتها بانقطاع الذريه وموتها بتقطيع تحت السياره

    0000000000000000
  5. @olydh

    صاحبة الموضوع
    هلا خواتي
    والله انا حاولت كم مره اني اتقرب منها يعني انا ماودي اكيد ودي اني قريبه منها هذا وانا اصغر وحده المفرووض الغاليه مالت علي الا اتعس وحده فيهم
    طيب خواتي الثانيات ليه تعاملهم غير عني تنام عندهم وانا ماتنام الا بعد طلوع الروح ومن الصبح تنحاش وخواتي تقعد بالاسابيع والشهور عندهم وتكلمهم دايم وانا لا قليل تكلمني
    تصدقون كنت متعوره يعني مسقطه وماكان عندي شغاله وقتها وقلت لها اقعدي معي انا تعبانه واللحالي وزوجي طول اليوم بالداوام مايجي الا العشاء تصدقون راحت وخلتني وقعدت والله انحب نحيب ماعمري نحبته واستاحشت اللحالي وانا تعابه توني طالع من المستشفى راحت وخلتني والله العظيم اني قمت وانا تعبانه اصلح لها افطور والغداء والعشاء والقهوه والشاهي عشان ماتروح وتخليني وراحت وخلتني
    وكل ماكلمني احد لين اني انحب واتقطع ما اقدر اكلم احد من القهر والعذاب اللي انا فيه واكلي وشربي وقتها زفت ةطبعا النفسيه الله لايوريكم ماشفت وقلت لااختي الكبيره ليه تسوي كذا امي فيني انا تعبانه مابي منها شيالا تقعد معي تونسني ومحتاجتها قالت ماتعرفين امي يعني مالها الا رايه
    يعني مرت اخوي صايره احن علي من امي وصديقتي صايره احن
    ولاتقولون روحي ضميه انا ما اقدر بس قد مره سويته توني جايه من سفر جالسه اسبوعين هذا قبل ا تزوج طبعا وطول الطريق افكر اني ابحضنها اذا وصلت ويومدخلت قربت لما احضنها لقيتها في برود وعقبها قلت مستحيل اسويها الا اذا هي حضنتني
    وحتى لما توفى ولدي داخله جايه من المستشفى تونى جايه من عندي ولدي متوفي وحالتي حاله الله يعلم بها والقاها قدامي ومع ملابس ولدي وجيها باحضنها نفس البرود اااااااااااااااه بس ااااااه
    وين اروح بس من احضن الجدار ياما المخدات تشتكي مني من كثرما احضنها
    طيب وش معنى ابوي هو اللي كان يناديني ويتقرب لي ويسوي اشاياء ماتسويها امي حتى كان يمشط شعري والله ويلعب معي حتى وانا كبيره
    وانا ياختي متزوجه والحمدلله اني متزوجه بعد وش كان بيصير لي وانا عندها وابوي مو موجود

    وامي موب فاقده الحنان من امها بالعكس امها كانت تحبها وكانت هي المفضله من بدت خواتها عليهم وهي كانت الصغيره بعد
    ولاتقولن فاقد الشي لايعطيه موب شرط هذا انا اعوض ولدي ما شفته واربعه وعشرين ساعه اضمم فيه واساله واسولف معه ومابيه يحس بالحرمان

تابعي تجارب أخرى من هذا القسم.