شاركي في النقاش

سجلي الدخول لإضافة تعليق.

التعليقات

10
  1. @alghla_klh_2

    مادري شو الحل بالضبط بس بقول اللي عندي عل وعسى تلقى شي يساعدها

    الله يسلمج انا ابتليت بشي شبيه للي فيه اختنا فالله

    زوجي محبوب من الجميع ودايما بالنسبة لنا هو القدوة الحسنه في كل شي وانا اعتبره مثلي الاعلى
    واستشيرة في كل صغيره وكبيرة والله يعلم بالحال اني دايما اطلب رضاه من عقب رضى الله

    وما تتخيلون شكثر انا رافعته فوق راسي ومقدرتنه اكبر تقدير ولله الحمد هو معترف بهالشي ويقدره

    ودوام الحال من المحال مثل ما يقولون ولاحظت انه صار يقعد على النت أكثر من اول ودايما اقعد عنده
    وما اخليه ياخذ راحته من خوفي عليه
    لكني اعترف اني بين فترة والثانية افتش جهازه وكل الملفات اللي فيه واتأكد دايما من المواقع والاشيا اللي يفتحها خلال اليوم
    وكنت الاحظ انه في مقاطع فيدو عبارة عن فظائح مصورة يوقف شعر جنبي اذا شفتها

    لقيتها مرة ونبهته بكل هدووء وعرفت مصدرها وكيف شافها وليش وكل هذا بهدوووووووء
    مرت فترة تقريبا شهور وانا على حالي افتش بدون لا يدري مب لانعدام الثقة مثل ماقلت لخوفي عليه

    وبعد فترة لقيت ملف جديد ومحمي يعني ماقدر افتحه الا بالكلمة السرية
    لكن بحكم دراستي للكمبيوتر قدرت اعرف محتويات الملف (بس اسماء الملفات اللي فيه) وكانت
    اسماء تدل على المحتوى البذيء لنفس موال مقاطع الفيديو والفضايح

    هالمرة شو سويت مع اني كنت في قمة الضيق من اللي عرفته
    قمت اتوضيت وصليت ركعتين ودعيت انه ربي يهديني للصواب
    ناديته يا بو فلان ابيك في سالفه

    آمري .. قلت والله انه لك شان وقدر محد يعلم فيه غير ربي وانه يعز علي اليوم وبعد عشرة عمر
    اني افقد ثقتي فيك وانت زين العارفين اذا الثقة انعدمت شو اللي بيصير في الحياة الزوجية

    قال عسى ماشر ليش هالكلام ؟؟ .. قلت له تحب حد يتابع فضايحك وينشرها بين الناس؟؟
    ولما تشوف هالمقاطع ما تخاف ربك تنقبض روحك في ذيك الحزة
    وما تستحي وانت قاعد تشوف وعقبها تروح للمسجد تصلي ؟؟ كيف تقابل ربك؟؟
    مافكرت في نفسك وفي كل عضو في جسمك بيشهد عليك يوم القيامه؟؟
    خاف على عيالك باجر يكبرون والدنيا دواره ... لاسمح الله لو حد غلط ترا فظيحته بتنتشر بين الناس
    بسبتك
    قمت عنه وخليته فالغرفة يحوس ويدور فيها وعقبها طلع يدورني
    واحنا ساكنين في بيت اهله وعندنا اخوانه وحريمهم وقعد طول الوقت وهو يحاول يلفت انتباهي
    يبغي يكلمني بأي طريقة وانا مب قادره احط عيني في عينه

    وفي آخر النهار قالي تعالي يا بنت الحلال انا غلط في حقج وآسف قلتله لا تتكلم ولا تتأسف لي
    روح اتأسف واعتذر من ربك انا ما بحاسبك لك رب يحاسبك وانسى اني دريت
    انت تعرف مصلحتك وين وانا اللي علي سويته

    والحمد لله احسه تأثر وايد هالموقف مرت عليه فترة مب قصيرة والله لا يردها من ايام
  2. @ahaaaat_2

    صاحبة الموضوع
    الغـلا كـله
    مادري شو الحل بالضبط بس بقول اللي عندي عل وعسى تلقى شي يساعدها الله يسلمج انا ابتليت بشي شبيه للي فيه اختنا فالله زوجي محبوب من الجميع ودايما بالنسبة لنا هو القدوة الحسنه في كل شي وانا اعتبره مثلي الاعلى واستشيرة في كل صغيره وكبيرة وا…
    الله يجزاكم خير ياحبيباتي والله انكم صادقين :) :)

    وانشاء الله ابقولها وعسى ربي يوفقكم ويوفقها:26:

تابعي تجارب أخرى من هذا القسم.