كتييييييييييير يابنات
مرة وانا بنت حضرت حنة واحدة صديقتى وكنت لابسة شيك جدا نزلت من عندها وقبل ماروح البيت لقيت الجيب اللى كنت لابساها محروقة من تحت دايرة كبيرة
مرة تانية وانا مخطوبة خطيبى كان جايب لى ملابس من أوروبا وعطور ومكياج لبست واتوضبت وعملت شعرى وكنا عند واحدة من قريباتنا وكان عندها بنات جاراتها وصديقاتها ويومها أنا بيت عندها صحيت الصبح والاقى وجهى كله حروق سودا وأنا بيضاء جدا وفى كف أيدى علامة سودا كبيرة وطبعا أنا لادخلت مطبخ ولا اتعرضت لنار أو شمس أو أى حاجة.
وبعد الجواز حضروا ضيوف يباركو على الجواز وحصل ده وهما لسه فى البيت: ضرفة من ضرف المطبخ الخشب أنشقت بالطول زى مايكون سكينة مشيت فيها وكذلك حصل فى دولاب الحمام التكييف الماركة الغالى بدأ يسكب شلالات مياه على الكنبة كاسة سقطت على راسى والحمد لله ربنا ستر
فى شهر العسل واحدة عجوز فى الغرفة اللى جنبنا فى الفندق سألتنى أنتو عرسان جداد باين عليكو
بالليل كنا بنتخانق أنا وجوزى وكان فى حالة هيستيرية وصل فيها الكلام والجنون لدرجة أننا لازم نرجع وننفصل
وحاجات كتييييييييييييييييير
ربنا يحفظنا من شر الحسد والعين
حسد !!عين!!!! كل واحدة تدخل تقول مغامرتها معاهم...
متابعة النقاش، صفحة 2