الموضوع مغلق

عرايس الرياض أحلى بشرى لكم ياعســــل..

السلام عليكم ورحمة الله وبركاته
كيفكم حبيت اخبركم يالغاليات وافيدكم ..
الي تروح لبنان وتعرف محلات weeding day ,,,hapy day او الي شافت برنامج زواج الي بالام بي سي وشافت طرق التقديم الغريبه للشوكولاتات والسوفونيرات وهدايا المواليد والزواجات والحفلات بتعرف ..
فتح عندنا محل نوردان وهو فرع لويدينق داي وهابي داي وهو عباره عن يسوي لك ستاندات غرييييبه تنشبك على الكهرب وتولع اضاءات وبشكل اكواخ وسيارات تتعبى شوكولاتات وهدايا ..والشوكولاتات حقتهم بعد ماسلمت منهم يشتغلون على كل حبه شوكولاته بحيث ان الشوكولاته تكون تحفه يتحسف الواحد ياكلها تخيلوا كل شوكولاته يشتغلونها بالترتر او العصافير او الكريستالات او البروشات الي تلبس مع الملابس بحيث انك اذا اكلتي الشوكولاته تستفيدين من البروش ..وشوكولاتات الملكه او الزواجات تكون كل حبه شوكولاته على شكل عروس وعريس بالطرحه .........الخ مره اشياءهم خياليه...
و ستاندات المواليد كل ستاند كانه يحكي قصه مثل ستاند السندريلا الستاند على شكل سندريلا ويتعبى شوكولاتات عرايس واشكال غريبه بعد .. وستاند الستراوبوري الي بافلام الكرتون وستاند بحري .........الخ اشياء اتعب وانا اقولها ..
وعندهم قسم (((((بطاقات الزواجات الغريبه الي تكون البطاقه على شكل صندوق او قفص او بوق من الزجاج او كريستال او دانتيل .....الخ )))) مره خيياااال ..
وتجي عندهم اطقم بطاقه الزواج طقم مع الشوكولاتات بنفس الموديل وهدايا الي تتوزع بالزفه نفس البطاقه والشوكولاته ....الخ مررررره غريبه ومبتكره واول مره عندنا بالسعوديه ...
وفيه قسم لملابس السهره والمناسبات وحجابات وفرو وحركات غريبه .. وفيه ملابس سهره ماركات فيه عندهم ملابس ماركه فندي وهي مو موجوده عندنا بالرياض ملابسهم .. وفساتين اترو وفساتين كثيره من لندن وامريكا ..
وحتى شفت عندهم قسم خاص حق الهدايا الخاصه المبتكره مرررره حلوه افكارهم .. يسوون لك هدايا خاصه بطريقه تقديم غريبه وجديده ..ونفس صاحبه المحل انتي تقولين لها المناسبه وتعطينها صوره اذا حابه تكون صوره المهدى له موجوده وهي تالف لك شعر وتطبع صورته على العلبه مع حركات مبتكره على السيراميك والجلد ....الخ اشياء مررره ذوق وغريبه ...
واخر شي فيه صالون تجميل للمكياج والشعر والحلاوه والحواجب .....الخ ... وحتى فيه مقهى بقعدات رايقه وتلفزيون ...
بصراحه محل انا اعجبني مررررره ماشاءا لله واتمنى يعجبكم ويفيدكم لان اشياءه غريبه مابعد طاحوا فيه الناس توه جديد فراح تكونين مميزه باشياءه لانها مانتشرت ...
والمحل بطريق التخصصي على امتداد بريستيج للاثاث ...بعد سكن وزاره الخارجيه ..

منقــــــــــــــــول للفائده..

"رقـــــم المحــــــل صار عندي الي تبغاه أنا حاضره"

ماوصيكم عاد الله الله بالدعوات الزينه:22:

اختكم:jewels

54 تعليق 4,104 مشاهدة

شاركي في النقاش

سجلي الدخول لإضافة تعليق.

التعليقات

54
  1. @anoaralaamr

    قولي امين ان الله يسخر لك ابن الحلال التقي الغني اللي يخاف الله فيه ويعاملك بنيتك الحلوة

    وقولي امين ان الله يعجل بامانيك ويخلي لك احبابك ويقر بهم عينك..


    بصراحه انا مالي مصلحه من الموضوع بس افرررح مررره للعرايس ارحمهم الحوسه والربكه والله سخرك لهم تسلمين ياقلبي الله يسترعليك دنيا واخره
  2. @alktkoth_2

    مشكورة اختي على موضوعك الحلو

    بس ياليت تقولين لي وين موقعه أو على الأقل رقم تليفونه حابة اشوفه يمكن نحتاجة في يوم في

    فيصير عندنا خبر عنه

    وجزاك الله كل خير


    :27: ^الكتكوته^ :27:
  3. ^الكتكوته^
    مشكورة اختي على موضوعك الحلو بس ياليت تقولين لي وين موقعه أو على الأقل رقم تليفونه حابة اشوفه يمكن نحتاجة في يوم في فيصير عندنا خبر عنه وجزاك الله كل خير :27: ^الكتكوته^ :27:


    الف الف مبرووك عليكم يابنات الرياض

    وربنا يوفقك يااااارب ويرزقك بابن الحلال اللي يحافظ عليكي وجميع بنات المسلمييييييييين

تابعي تجارب أخرى من هذا القسم.