انا ام فاشلة !! انا زوجة فاشلة !!

اول مرة بحياتي احس بحزن عميق والم بالشكل هاذا.............كل شي اتخيلة الا ان زوجي يقول عني هاذا لكلام...
البارح دخل علي في الغرفة وكنت مختلية بنفسي لاني متضايقة من وضعي مع شغالاتي وجالسه افكر واقول لنفسي ليش يحصلي كذا ؟؟؟؟؟؟؟ وطبعا سئلني ايش فيكي ويعلم الله اني ماكنت ابغى اقولة عشان ما انكد عليه يكفيني انا النكد........المهم انه اصر اني اقوله على الي مضايقني فقلتله اني متضايقة عندي شغالتين في البيت وماني مرتاحة شغلهم زفت ولسانهم طويل عليه وعلى اولادي واذا خاصمتهم يردوا عليه بطريقة سيئه.....وصرت احكيله على الي مضايقني كله وان شغالتي طول الوقت تتحسب على اولادي وتنافخ عليهم واذا كلمتها قالت اووووووف واستغفر الله ومن دا الكلام...........فجأة لقيت وجهه تغير وقالي اصلا انتي فاشلة في تدبير حياتك وبيتك !!!!!!!!! والله اني انصدمت توقعت انه رح يواسيني لكن كلامة هاذا صدمني وكأنة كان ينتظر الفرصه عشان يقول الكلاد دا

قالي انتي ماتعرفي تتعاملي مع شغالتك ولا فيه شغالة ترد على صاحبة البيت بكلام قلة ادب !!!!!!! انتي شخصيتك ضعيفة ومهزوزة وشغالاتك مايحترموكي اصلا لان شخصيتك ضعيفة.....ورفع صوتة اكثر عليه وقالي طالعي في البيت فيه شغالتين ومع كدا مونظيف والحوش كله تراب وووووووو قال كلام كثيييير .......وانا انفجرت ابكي من كلامة وهوا ولا همه ......وقالي اصلا انا ساكت ابغى اشوف لحد فين حاتوصلي الحريم بيوتهم مافيها ير شغاله وحدة وتلق نظافه وترتيب وانتي شوفي نفسك وشوفي غرفة الاولاد كيف شكلها ........ورمى الكلام هذا عليه وطلع برا البيت !

وانا اكتبلكم الان ابغاكم تكونوا منصفين معايه وتساعدوني بردود عااااادله من غير ماتجرحوني يكفيني الجرح الي فيه...........والله انا ما ابرئ نفسي من كلامة لكن يشهد علي الله اني احاول اكون منظمة في بيتي على قد ما اقدر وكان عندي شغالة وحدة ويادوب تلحق على شغل البيت لانه كبير والاولاد مزعجين ويحبوا يخربوا زي باقي الاطفال.......فكلمتة يجيب شغالة ثانية لان البيت كبير وجابها لكن الوضع زي ماهو ماتغير والمشكله مو فيه المشكله انهم مايسمعوا كلامي يسووا الي يعجبهم وبالطريقة الي تريحهم........وانا تعبت وانا اخاصمهم واهددهم ومايسئلوا فيه.......هل معنا كدا ان العيب فيه ؟؟ والله اني اكتب لكم وابكي على حالي وبصراحه اكثر وعشان اكون صادقه معاكم زوجي لمس الجرح.......لكن ماحبيت انه يقولي كدا بدل يمد يدة ويساعدني......
اسئلكم بالله تكونوا منصفين معايه لاني من البارح وانا في حاله الله الي يعلم بها حتى اولادي ما ابغى اشوفهم.....احس اني خيبت ظن زوجي فيه وجبتله التعاسه وعدم الراحة ياربي والله اني في حاله الله الي يعلم بها لكن الحمدلله على كل حال

اخواتي انتظر ردودوكم المنصفه والعادله