شاركي في النقاش

سجلي الدخول لإضافة تعليق.

التعليقات

48
  1. ( شـــذراتـ الـذهـبـ)
    يااختي بلا وظيفة بلا هم اهم شيء حياتك مع زوجك .. اذا كان فيه تعارض بين زواجك ووظيفتك فاختاري زواجك وبس
    وأنا مع الأخوات في العودة لزوجك مهما كانت الظروف

    وأعتقد أن سبب تصرفاته أنه تعود على بعدك عنه وعن عدم تحمل مسؤولياته تجاهك وتجاه ابنته

    أسأل الله لك التوفيق في حياتك وأن يسخر لك زوجك ويهديه الى ما هو في مصلحتكم جميعا
  2. @tk_8

    حبيبتي عودتيه على بعدك وعدم الاحساس فيك وعدم تحمل مسؤوليتك ليش بيتك فندق تجينه يومين بالاسبوع أكيد راح يتضايق منك لانك راح تخربين روتينه اللي خليتيه يعيشه بدونك أنا ما أقول خلي وظيفتك لكن لاااااااااااااااااااااااااااازم تردين عند زوجك والبنت جيبي شغاله وكل يوم وديها عند أمك اليما تردين من الدوام
  3. مجتمعنا السعودي يا اخت جوري يهتم ان الحرمه تقعد ببيتها افضل من عملها امكن مجالات العمل كثيره عندكم وافضل من عندنا وممكن الوحده تنغمس بشغلها وتنسى كل حياتها لو كانت لا سمح الله مطلقه او ماتزوجت لكن عندنا صعب

    يعني وش فايدة كم ريال باخذه وانا اخسر زوجي وبيتي وبنتي كمان لما بعدين ابوها ياخذها مني غصب واقعد بحسرتي
    اتركي شغلك واهتمي ببيتك
  4. @aathbh_ana

    يختي معذور ... عايشة عند اهلك وهو في نفس المدينة معك !!!!!!!

    وشوله متزوج أجل ... ترى البعيد عن العين بعيد عن القلب ...

    لا تتركين وظيفتك .. لكن روحي لبيتك مثل الحريم ... ومثل ما يسون الموظفات سوي ..

    جيبي شغالة لبنتك .. واذا خايفة عليها وديها لحظانة .. أو مري على أهلك كل يوم حطي بنتك وخذيها من عندهم ...

    بصراحة أول مرة أسمع ان فيه وحدة عايشة عند أهلها ورجلها وبيتها في نفس الديرة !!!!

    ليه تزوجتي أجل ... بس من جد زوجك معذور وزين اللي ما طلقك أو تزوج عليك ..
  5. @bnoth_17

    اختي الغاليه

    انتي غلطتي مايصير تتركين بيتك وهو موجود فيه لاي سبب من الاسباب

    بعدك عنه خلاه يبعد عنك ويمكن يكون له علاقات الله اعلم

    بس اللي ابيج تعرفينه ان الريال وهو مع مرته وبعد المره ماتسلم من هفواته شلون وهو عنده الفرصه وزوجته بعيد عنه

    المهم حبوبه

    انتي يا انج تاخذين اجازه لين تييج شغاله وتكونين معاها وتطمنين انها زينه وعلى فكره

    الشغاله اذا انتي عاملتيها زين ماراح تظر عيالج

    او انج تستقيلين وتجابلين ريلج احسن لج وله

    وحاولي تكونين دايما معاه ولاتنشغلين ببنتج حاولي تعطينه من وقتج

    حتى وهو مب موجود في البيت حاولي تتصلين تسالين عنه وترسلين له بين كل فتره مسجات الحب

    حاولي تبينين له انه هو اهم حاجه عندج في الدنيا اهم من الشغل وبنتج

    لان في ازواج يغارون من عيالهم وهذي حقيقه

    اتمنى لج حياه مستقره

تابعي تجارب أخرى من هذا القسم.