شاركي في النقاش

سجلي الدخول لإضافة تعليق.

التعليقات

48
  1. @bnoth_17

    اختي الغاليه

    انتي غلطتي مايصير تتركين بيتك وهو موجود فيه لاي سبب من الاسباب

    بعدك عنه خلاه يبعد عنك ويمكن يكون له علاقات الله اعلم

    بس اللي ابيج تعرفينه ان الريال وهو مع مرته وبعد المره ماتسلم من هفواته شلون وهو عنده الفرصه وزوجته بعيد عنه

    المهم حبوبه

    انتي يا انج تاخذين اجازه لين تييج شغاله وتكونين معاها وتطمنين انها زينه وعلى فكره

    الشغاله اذا انتي عاملتيها زين ماراح تظر عيالج

    او انج تستقيلين وتجابلين ريلج احسن لج وله

    وحاولي تكونين دايما معاه ولاتنشغلين ببنتج حاولي تعطينه من وقتج

    حتى وهو مب موجود في البيت حاولي تتصلين تسالين عنه وترسلين له بين كل فتره مسجات الحب

    حاولي تبينين له انه هو اهم حاجه عندج في الدنيا اهم من الشغل وبنتج

    لان في ازواج يغارون من عيالهم وهذي حقيقه

    اتمنى لج حياه مستقره
  2. @dyna_tamr

    الله يهديي سركم يارب ويحببه فيك ويحببك فيه

    اللهم سخر لنا قلوب ازواجنا كما سخرت قلب فرعون لموسى
  3. @tai_chi

    جربي تاخذي اجازه بدون راتب وشوفي اذا انصلح الحال مع زوجك

    معناه العله في شغلك

    حاول ىتنقلي شغلك قريب من منطقه زوجك

    والله يوفقك
  4. @fafy_999

    ( شـــذراتـ الـذهـبـ)
    يااختي بلا وظيفة بلا هم اهم شيء حياتك مع زوجك .. اذا كان فيه تعارض بين زواجك ووظيفتك فاختاري زواجك وبس
    أختي المأجورة بإذن الله
    الزوجة هي الوحيدة القادرة على اكتشاف حُب زوجها وإياك ان تأخذي بنصيحة إمراة لم تُجرب نفور وعزوف زوجها عنها ..............
    الكلام المثالي جميل نسمعه ونتشدق به لكنه ابداً لايحل لنا مأسينا خاصة مثل مأساتك .........
    نعم مأساة

    فليس أصعب على المرأة من إحساسها بالرفض والنفور من قبل اقرب وأغلى الناس
    إنه الحرمان نعم حرمان واني احسه يماثل حرمان الأمومة خاصة للمرأة العاطفية المُحبة المقبلة

    لكن ما نقول إلا كل محروم مأجور

    إن ماقالته لك الأخت فراشة ماهو إلا كلام خيال لايمت للواقع بصلة .... وبالتأكيد هي لم تُجرب جفا وإعراض الزوج وإلا متى كان حُب الزوج يصل إلى هذا المستوى من الإعراض والإهانة بسبب بعد زوجته لأسباب هو مقتنع بها
    أختي
    أتمنى منك قراءة موضوعي هذا قبل أرد عليك من خلال تجربتي وسأنتظر ردك
    http://forum.hawaaworld.com/showthread.php?t=783221

تابعي تجارب أخرى من هذا القسم.