هنا تجمع المحرومات من الإستقلالية اللي عند الحمولة

انا شو اقولكم ولا اقول.. لو اكتب من اليوم ليوم الدين ما بخلص...!!!

انا عايشه مع ام زوجي وخواته المطلقات والمتزوجات والبنات فبيت واحد..وحريم اخوانه ثنتين.!!

تصوروا بلوتي ؟

والله كل يوم والثاني بلاوي ومصايب ... اول ما سكنت حشروني ان اغراضي ماركات واني متكبره
ومسويه فيها بنت عز..رحت ارتاح من شرهم وقلت اي وحده فيكم تبا اغراضي عشان تستخدمها حياها الله...بس ترجعها..
ما صدقوا خذوا كل اغراضي ولا عاد رجعوا منها شي..

اشتريت في زهبتي حق العرس مكياج بيكفيني ثلاث او اربع سنين والله الحين ما كملت سنه ونص
ومكياجي انتهى ما عاد ادري وينه..!!

يشوفوني ساكته ويتمادوا ولما كلمتهم وسألتهم عن الشيل والعبايات والمكياج اللي ما لقيته..!!
حطولي كريم في غرفي ما يسوى خمس ريالات ..
وسوا نفسهم داخلين يتمكيجوا ولقوه صدفه وقالوا لزوجي اني سرقته..وعصب علي قدامهم
مع انه يعرف بقلبه اني ماستخدم هالاشياء التافهه....!! بس مدري ليه سوا كذا...!!

والله حتى بلوزاتي اللي جداد من اغراض العرس لبسوها عند الناس قبل البسها
والحين لو الناس شافتها فوق بتقول انها حقتهم.!!!

خالتي ام زوجي ما تقولي ولا شي ولا تتدخل فيني بالعكس ساكته ومسويه نفسها شريفة مكه
بس اول ثلاث اسابيع فالزواج طلعت انا وزوجي من الساعه اربع العصر لين الساعه 9
ويوم رجعنا لقيت قرونها طلعت والدخان من خشمها وسمعتها تقوله وش ذا السوق اللي للحين...
ولما دخلت عشان اقول لها السلام عليكم سكتت وسوت نفسها ما تقول شي..!!

قهرتني بجد والله..!!!

غير كذا حريم اخوانه شاطرات في اختراع القصص ولو نطقت بكلمه خلوها قصه
وفلانه قالت وسوت وحلفت وشتمت وسبت...ولو صادقت وحده فيهم ورحت لأهلي زياره جيت
وهم قالبينها علي غم ونكد حسبي الله عليهم..!!!

ولا رحت بيت اهلي وقفلت الغرفه جا زوجي ونساها مفتوحه جيت وكل اغراضي في غرفتهم ولا عصبت قالي محد قالك تروحي وتخلي اغراضك كذا..طيب غرفة نومي بكيفي...ولا شي فايده


والله يصبرنا وما خفي كان اعظم

سوري تكرر الرد اسمحولي:(

أختي حرم عرفات الله يعينك عليهم يا رب
لكن اسمحيلي ان اقول لك مان لازم تكوني حازمة معاهم من البداية بخصوص استعمال اشياءك الخاصة كنت طيبة معهم زيادة عن اللزوم ففعلهم من فعل اللئام كما قال الشاعر ان ات اكررمت الكريم ملكته و ان انت اكرمت اللئيم تمردا.
لكن الله تعالى لن يضيعك فكوني واثفة فالظلم ظلمات يوم القيامة.
والله كاننا في صراع و الله انا نفسيتي اصبحت سيئة بسببهم اصحى افكر فيهم و اجلس افكر فيهم و اذا حطيت راسي على المخدة و تذكرت قصصهم يصيبني الارق. الله يفرج همنا و هم كل مكروبة و دائما اتذكر انه اللي يسئ لبنات الناس يجي اليوم اللي يساء فيه لبناته و كما تدين تدان.

ذكرتيني و الله لما كنت حديثة الزواج ماكنت اخرج و اتفسح كما تفعل العرايس و ليش خايفين امه تزعل علينا بالله عليكم هذا منطق يقبله العقل و حتى ان طلعنا فذلك يعد على رؤوس الاصابع و لما نرجع نلاقيها متجهمة و لا ترضى حتى تناظر فينا.

اااااااااه ه ه يا خواتي .هذي اولا.ثانيا انا فرحانة جدااا اني لقيت هذا الموقع لاني لقيت احد عايش نفس حالتي وراح يحس فيني ويفهمني واتمنى انكم تقبلوني معكم.