شاركي في النقاش

سجلي الدخول لإضافة تعليق.

التعليقات

495
  1. @am_bshayr_8

    صاحبة الموضوع
    توت بري
    إختي بشاير ما شاء الله تبارك الله على بيت العمر والله يعطيج خيره ويكفيج شره ويجعله منزل مبارك عليكم إن شاء الله ولا تنسين تخلين سورة البقرة عندما يجهز إختي هل إنتي من العين ومن ويين ؟؟؟؟؟؟؟؟ شو الفرق بين السراميك العادي والسراميك المعتق…
    هيه نعم.. من العين .. والبيت بالتحديد.. في منطقة هيلي
    الفرق بين السيراميك العادي والمعتق بأن العادي هو المعتاد اللي تشوفينه باغلب البيوت اللي يلمع ويكون لونه براق منه المسطح هذا عاد يزحلق خصوصا في المطابخ والحمامات ومنه الخشن نوعا ما وهو طبعا بنظري افضل بوايد بحيث أذا فيه أي ماي على السيراميك ما راح يزحلق بسهولة مثل اللي قبله
    أما المعتق أو بمعنى أخر الخشن فللون فيه ممسوح مسح يعني اللون ما يكون تركيزه قوي وفي نفس الوقت يعطيج جو من العصور القديمة من اسمه (معتق) وما يكون سطحه أملس

    بالنسبة للسيراميك نحن تعاملنا مع محل الشايع وبالتحديد مع الفرع اللي في أبوظبي والحق يقال بأن تعاملهم فوق الممتاز ومتعاونين جدا وإذا بتتعاملين معاهم بنرسلج عند وحدة تشتغل في المحل بتعطيج سعر خاص
    متر السيراميك بالنسبة للحمامات سبعين درهم
    البوردر في الحمام الحبة تترواح بين ثمانين درهم ومية درهم حسب كل حمام
    متر السيراميك بالنسبة للمطبخ ستين درهم
    متر السيراميك بالنسبة للملحق (غرفة الشغالة وغرفة الكوي وغرفة الغسيل والمستودع) بـ 30 درهم

    بالنسبة للرخام (وهذا خذ منا وقت كبير ما تتخيلن اشكثر) وخذناه من محل الملكي للرخام من العين وبالتحديد من الصناعية وبعدنا ما ركبناه بس وفرناه للمقاول وهو موجود الحينه في الموقع واهو ما راح يكون بكميات كبيرة في البيت لأن أغلب الأرضيات في البيت عبارة عن باركيه(تخشيب) بنوع محددة لا تأكله حشرة الخشب
    ان شاء الله بعد كم من يوم بعرض الجزء الثاني وبخلي فيه صور كل الحمامات (كرمتِ) عشان اتشوفين لون السيراميك وصور الملحق بعد

    بالنسبة للأبواب الخشبية نوعه بيتش من دبي

    السلبيات اللي اكتشفناها بعد فوات الأوان... بصراحة وبكل تواضع الحمد لله نحن توفقنا في البيت وما حسينا أن فيه شيء معين اخطأنا في اختياره او تسرعنا فيه لأن نحن خذنا وقت كبير في تنفيذ المخطط (سنة ونص) وهذه فترة كافية نكتشف فيها الاخطاء بسبب تدقيقنا المستمر في المخطط
    أما بالنسبة للتشطيب(نحن حاليا وصلنا لهذه المرحلة) كنا اندور على السيراميك والرخام وكل شيء قبل ما يطلبه المقاول منا بعدة شهور عشان ناخذ راحتنا في الاختيار .. صح أن هذه العملية متعبة بس بيت العمر يستاهل ان الواحد ما يتسرع في الاختيار وياخذ وقته في البحث عن كل ما هو متميز
  2. @lma_1

    مشالله تبارك الله وياليت اذا فيه افكار جبسيه من اسقف ومداخل تعرضينها ومنزل مبارك انشالله..

تابعي تجارب أخرى من هذا القسم.