البنات والمسنجر

صديقتي فجاة جلست عالكمبيوتر والا تشوف الهوت ميل مال بنتها مفتوح وتحدث شباب وهي لم تتجاوز الخامسة عشر عام انصدمت بل انصعقت شو تسوي مع البنت تضربها اتشل الكمبيوتر من عندها اتجيبها واتوريها انها اكتشفت امرها بليز رودو بسسسسسسسسسسسسسسسسسسرعة

6 تعليق 633 مشاهدة

شاركي في النقاش

سجلي الدخول لإضافة تعليق.

التعليقات

4
  1. @oaad_hsn

    الله يعين أمها ويصبرها
    يفضل أنها تكلمها بهدوء وتعرف ليش هي تعمل كذا
    والام لازم تراقب بنتها وما تغفل عنها ابد
    الله يهدي بنتها
  2. @mshroaa_fylsof

    اهلين

    ادخلي معها على انك رجال وكلميها اسبوعين على الماسنجر ..

    بعدين هدديها انك هكرتي على الآي بي ,,,,

    وعرفتي رقم البيت من شركة الاتصالات

    (واذا حبت تتأكد انك صادقه عطيها رقم بيتهم كأنك فعلا عرفتيه ) ..

    وقولي لها ان بمقدورك كرجل تجيبين عنها معلومات اضافيه غير رقم البيت ,,,,

    و لاتماطلين معها بالكلام عشان لاتتعلق فيك اكثر بحكم انك رجال ,,,, ولاتعلمينها الحقيقة

    (اهم شي ان البنت لاتدري ان الموضوع مقلب ابداااا ..عشان يتحقق الهدف )) ..


    ولكن خليها تخااااااااف وتعرف ان الله حق وان الاستهتار في محادثة الشباب امره عظيم حتى لو كانت نيتها حسنة .

    صدقيني معظم بنات هالجيل ماينفع معهم الاحركات الترويع ..

    اذا البنت اخذت الدرس ..

    واكلت العلقة منك على انك رجال صدقيني بتهاااااب اضافة الشباب طول العمر.


    .. اشوفه انسب حل للمراهقات قبل ان تتمادى في الخطأ ,,,

    لان الخوف احيان يكون علاج ,,,

    واذا كبرت يصير خوفها نابع من وازع ديني قوي ان شاء الله


    هذا رأيي الشخصي
  3. @klm_rsaas

    الله المستعان

    شوفي اختي انصحيها ماتضربها لانها بتصر على الغلط وفي ميت طريقه وبدون ماتدري عنها امها

    لكن تفهمها بهدوء ان هالشيء غلط بهدوء موب تقعد تهاوشها لان كل ممنوع مرغوب وتفهمها ان هالشي اولا حرام والله ماحرم هالشيء الا لانه خساره فالدنيا والاخره
    وانصحها ماتمنعها من الكمبيوتر لكن تكون تحت نظرها بدون هي ماتحس لانها بامكانها تسوي ماسنجر ثالث ورابع فهمتي
    خليها تقولها بعد ماتفهما ان هالشي غلط تقولها انتي غلطتي وانا راح اسامحك لانك اكيد تجهلين عقوبة هالشي وتقولها ان واثقه فيك انك راح تتبعين نصيحتي وراح تكونين عند حسن ضني وتراقبها بس بدون ماتحس واذا تكرر عاد لازم تعاقبها
    ولا تنسين ان البنت في سن مراهقه وعندها حب استطلاع واتمنى تنتبه لبنتها لانها جد صغيرها تنتبه لاحد يضحك عليها من هاللي مايخافون ربهم ومايدرون ان الدين لابد يجي يوم ويرجع لاصحابها

    تحيتي لك ولصديقتك
  4. @al_dana_1

    قلم رصااص
    الله المستعان شوفي اختي انصحيها ماتضربها لانها بتصر على الغلط وفي ميت طريقه وبدون ماتدري عنها امها لكن تفهمها بهدوء ان هالشيء غلط بهدوء موب تقعد تهاوشها لان كل ممنوع مرغوب وتفهمها ان هالشي اولا حرام والله ماحرم هالشيء الا لانه خسار…
    حل الاخت مشروع فيلسوفه حل حلوووو وفعال ومتاكده من نتائجه
    لكن المشكلة لو عاشت البنت جو الخوف والقلق فترة


    لكن مؤقت

    حتى تقدر تتقرب لها وتفهمها انه هذا غلط وتوصلها لبر الامان


    الله يهديها ويصلحها

تابعي تجارب أخرى من هذا القسم.