كما تدين تدان

بقص لكم قصة وانشاء الله اتكون عبرة وعظة ... من أسبوعين توفيت فتاةتبلغ من العمر17سنة من منطقتنا بعد احتراق منزلهم وتوفيت وهي مختنقة بالدخان قعدت في المستشفى أسبوعين في العناية المركزة :( الله يرحمها ويغمد روحها الجنة \ تاثرت كثيرا سرت لها المستشفى قبل لاتموت وبعد ماماتت سرت لاهلها وعزيتهم استغربت عندهم بيتين في نفس المنطقة احنا لما سرنا نعزي دخلنا البيت المحترق شفناه مقفول اندور دخلنا بيت الجيران قالولنا البيت اللي مقابلنه هوبيت العزاء :(
المهم وبعد ما طلعنا سالت الوالدة وبعدين قالت لنا هذا حوبت أمها اللي سوته في ضرتها وعيال ضرتها موب اشوي كما تدين تدان سبحان الله ؟ وسالت الوالدة وقالت لنا القصة كاملة :قبل 23 كانت أم المتوفية أرملة من زوجها الاول وعندها 3بنات ولد أيتام وحليلهم وطلبت من صديقتها العزيزة انها اتخلي ريلها ايعلمها السواقة وقام وعلمها وتطلع معها لين ما حبو بعض (اتاريها اتخطط تسرق الريال من حرمته ومنو حرمته صديقتها العزيزة اللي وقفت معاها في شدتها ) المهم اتزوجت زوج صديقتها وخلته يطردها من البيت ويطلقها واهي ماعندهاحد في البلاد إلا أختها وساكنة في منطقة بعيدة تقريبا 3ساعات (على فكرة اثنينتهم مصريات ماخذين مواطنين ) وسارت سكنت عند أختها واستولت على بيت صديقتها واصبحت عندها بيتين وسيطرت على الريال وخذت اعياله وعذبتهم وخلتهم عندها يخدمونها وطبعا جابت منه 4بنات ومنهم هذي اللي اتوفت والبيت اللي سرقته احترق واحترق معاه قلبها بنتها واللحين أم البنت المتوفية ماتبغي البيت وفحالة نفسية سيئة أماالاب كما يقال امسويه حقه عمل يتبعها ومخلتنه في غير حالته الطبيعية وابنها ا الوحيد من عشر سنوات صابه حادث خلاه معاق وايقولون في نفس الوقت اللي صار له الحادث كانت اتعذب اعيال ريلها :30:ومثل مايقولون الظلم ظلمات وكما تدين تدان الله يهديها :44: