انا كنت ساكنة معاهم اول زواجي ( الله لا يعيدها من ايام )...:09:
و الله يا بنات شفت منهم شي ما يصدقه العقل مع اني شارطة بيت مستقل و بسبب ظروف طارئة اضطريت اني اقبل السكن المؤقت معاهم .. انا سكنت من هنا و الاقي ابو الشباب يقول لي ايش رايك نقعد وياهم على طووووووووول :eek:
تعبت و جاني اكتئاب و قل صبري و قلت لنفسي اش عليه انا مستحمله هالنكد منه و من اهله و خاصة انه كان يسمع كلامهم في كل شي و يطالبني بالتنازل دائما .. يا ابن الناس انا كفاية علي متنازلة عن بيت مستقل بعد تبيني اتحمل تدخلاتهم في كل شي بحياتنا الزوجية ؟
بعد حوالي ثمان شهور حزمت حقائبي و اغراضي و رحت قعدت عند اهلي و قلت اللي هذا اوله ينعاف تاليه و اذا تبي زوجة تعيش معاها حياة طبيعية روح دور لك بيت ..:30: و الا ننفصل ( و كنت جادة ) ..
و فعلا طلعت ببيتي و لكن تصدقون يا بنات انه الى الحين ما سلمت من شرهم بالعكس صارو يكوكونه زيادة لاني نفذت اللي براسي و هو طبعا حدث و لا حرج احس احيانا انه حاقد علي ليش اجبره على الطلعه من بيتهم ..
مع العلم بيتهم مليان حريم اخوانه ساكنات .. و انا يا بنات من بيت عز و غنى و الله و هم اقل بكثير مننا و قلت يا بنت قدري ظروفه و اعملي بأصلك و من هالكلام و انا اللي اكلتها بالاخر ..
لذلك انا انصح كل وحدة انها لما تتزوج تطلع في بيتها و لا تتنازل عن حقوقها اللي ربنا شرعها لها و لا تصدق الرجال اللي يقول نقعد كم شهر في بيت هلي و بعدها اسكنك بقصر لانه الكم شهر بيصيرون سنوات كئيبة و القصر ما ظنيتها بتشوفه غير في الجنة.. اطلعي و لو في شقة غرفة واحدة خاصة اول الزواج لانها اكثر الاوقات اللي تحتاج خصوصية و بعد عن تدخلات الاهل ..
و ادعولي ربي يسخر لي زوجي و يحل مشاكلي المتراكمة معاه..
هنا تجمع المحرومات من الإستقلالية اللي عند الحمولة
متابعة النقاش، صفحة 10