الموضوع مغلق

حاااايره بدراستي...وتعديل المسار(تعالوا...مصيري بين يديكم)

بسم الله الرحمن الرحيم
السلام عليكم ورحمة الله وبركاته
بكتب لكم مشكلتي ولكن مدري إذا هذا القسم المناسب أم لا....
قبل ماكتب تحذييييييييييييير....(مابغاكم تواسوني وتقولون اي والله مشكله كبيره...أنا كتبت لأني أبغى حـــــــــل)<<< من أولها:30:
أنا طالبه تخرجت هذي السنه من الثانويه..وأرغب بتخصص لغه انجليزية...ولكن للاسف موموجود بالمدينه اللي أسكن فيها..عشان كذا مادخلت الكليه ..رااااافضتها:09: ...
وحاليا أدرس بمعهد دبلوم لغه انجليزيه...ومحتااااره السنه الجايه فين أقدم؟!!!
فيه كليه بالمدينه اللي قريبه مننا..فيها انجلش ...بس خايفه ماتقبلني...لأن خريجين السنه الجايه أولى مني..وصعبه هناك بعيد عن أهلي...تكفووووون أبي حل ساااعدوووووني....
والله دايم أصلي الاستخاره بس ماثبت على راي واحد..كل يوم راي...
أختي تقول ادرسي هنا أي قسم بس أهم شي بعدين يكون معاك شهادة بكالوريوس ...وسويلها تعديل مسار....يعني كأني ماخذه بكالوريوس انجلش...
أحد جربها منكم؟؟أو تعرفون أحد جربها ؟؟ مابغى أخاطربعمري تكفيني السنه اللي راحت علي!!!
حرااام أدرس4 سنين وآخرتها أقعد...لاتعديل مسار ولاهم يحزنون...
الفكره مي عاااجبتني لأن الانجلش يبغاله ممارسه...بس مضطره إذا مالقيت حل...
فكرت اني أقدم هنا عشان أضمن قبولي..وبعدين أنقل وأحول انجلش:22:
بس ياااافرحة ماتمت:( صاحبتي قالت النقل بالكليه صعب يبغالك تدرسين سنه هنا بعدين تنقلين..
ويمكن يحولونك ويمكن لا .....
أدري طولت عليكم ...بس والله محتاااااره مرررره...وأحسني ضاااايعه ومو عارفه أفكر...
تكفوووووون لاتبخلون باقتراحاتكم وتجاربكم المشابهة؟!!...
وهل لديكم من حل لأختكم؟!!!
أنتظر ردودكم على أحررررر من الجمرررررر.....

:26: (متفائله رغم اليأس

34 تعليق 2,435 مشاهدة

شاركي في النقاش

سجلي الدخول لإضافة تعليق.

التعليقات

34
  1. عزيزتي قسم الانجليزي صعب شوي

    ومدامك اخذتي دبلوم انجليزي كفاية

    شوفي تخصص ثاني موجود في مدينتك

    والله يعينك ويساعدك
  2. @aghadyr_2

    الله يسهل عليك
    قسم الانجليزي روووعة سواء شهادة أو وظيفة أو حتى مستقبل
    ودراسة الانجلش ماراح تندمين عليها لأنها بتنفعك في الحياة قبل الوظيفة
    أنا اقترح عليك تصلين استخارة وتسجلين السنة الجاية واذا فيها خير بإذن الله راح تنقبلين
    وبالنسبة للبعد عاادي الزمن هذا عادي الدراسة بعيد والوظيفة بعيد بس صدقيني كلها كم سنة وتعدي مثل البرق على الأقل قسم تحبينه راح تعطين فيه ان شاء الله
    والدبلوم بينفعك في الدراسة بس أهم شيء عندك رغبة
    جربي السنة الجاية وسجلي ولو مانقبلتي خيره ارضي بالواقع وادخلي اي قسم على الأقل ماراح تلومين نفسك بعدين وتقولين ياليتني سجلت وياليت وياليت وساعتها كلمه ياليت ماراح تعمر بيت
    الله يوفقك ويهديك الى الصواب
  3. صاحبة الموضوع
    لمسة بساطه**ms_pees**أغادير
    الله يجزاااااااكم 1000 خييييير...
    والله أسعدتني ردودكم....
    أغادير....يعني انتي تنصحيني أروح للمدينه اللي قريبه منا؟!!!وأقدم ولو مانقبلت عاادي أجلس بأي قسم هناك....

تابعي تجارب أخرى من هذا القسم.