سرقة من غرفة نومي

يا اخواتي قبل اسبوع كان عندي ضيوف متجمعين على حفله وكان البعض يطلب مني فتح غرفة النوم حتى يتعدلون فيها المكياج او التسريحه المهم زوجي كان واضع مبلغ قدره 7000الف ريال على الكميدينه المهم بعد ماإنتهة الحفله وراحوا الضيوف جاء زوجي واذا ناقص المبلغ 3500ريال اي إنسرق نصف المبلغ وانا حيرانه يا أخواتي هل اصارح الموجودات بما حدث ام اسكت وامرها الى الله
برغم ان زوجي قال اسكتي لا تعلمي احد التي أخذتها وين بتروح من ربها:(

37 تعليق 3,051 مشاهدة

شاركي في النقاش

سجلي الدخول لإضافة تعليق.

التعليقات

35
  1. @tao_tao

    موقف محرج بصراحة ..

    أعتقد الأحسن تسوين مثل ما قال زوجك .. لأن إذا ذكرتيلهم الموقف .. بتحسسينهم إنك تشكين فيهم .. وهذا ظلم للي منهم بريئة من السرقة .. مو حلوة في حقها .. ويمكن هالشي يسبب مشاكل بينك وبينكم .. مثل ما قال زوجك .. اللي سرقت أمرها لله ..
  2. @dream_ledy

    ياقلبي توني أتكلم أنا وحدة من أعز صديقاتي

    قالت لي أبد لا تدخلين أحد غرفت نومك لو أيش

    مستحيل أحد يدخلها هذي غرفة نوم قلت لها ليش طيب

    قالت مرة جتنا إختي ومعها شغالتها المهم إننا فرشنا لزج إختي

    في المجلس هو وزوجته المهم أرسلت شغالتها قالت لها روحي

    نشري ملابس زوجي في المجلس المهم راحت وكانوا البنات في المجلس

    يناظرون التلفزيون المهم إنها جت الشغاله وقامت تناظر الفراش بحسرة

    كذا وراحت وجا زوج إختها ورااح المجلس وهو معصب مابيك وقام يهاوشها

    المهم راحت إشتكت عند إختها قالت ترى الشغاله كانت تناظر الفراش بحسرة

    وأخذوا من مويتها وراحوا صبوا على الفراش وعلى الزوج وهدى شوي

    أشوى يعني من قبل عمى بعنهم ذا الناس الحسودين ياربي الله يهديهم بس ,,

    وبعدين أنا أرى إنك ماتقولين شي بس وكلي أمرك لله والله بياخذ حقك منها إلي

    أخذته ,,

    والله ييسر أمرك ويرد لكم الفلوس إلي ضاعت ,,,
  3. @msrkaa_hanm

    لاحول ولا قوة الا بالله

    رأأيي ما يسوى عليك تتكلمين لان اللي ماخذتها لايمكن ترجعها ابدا
    واذا تكلمتي المظلوومه بيجي في خاطرها ويمكن تتوقع انك شاكه فيها

    الافضل السكوت
  4. @thlg_1

    ادعي ربك يظهر السارق و يكشفه.....بس ابي افهم....يعني انتو كنتو حاطين المبلغ مكشوف على التسريحه لان ما اعرف شو يعني الكمدينيه ...اتوقع انها تكون المنظره و التسريحه......طيب كيف تحطون المبلغ هذا على التسريحه و بعدين تدخلين الضيوف!!!!
    و صدقيني يحصل كل شي....انا اختي لما ولدت دخلت عندها وحده غرفة النوم...ولما طلعت اختفت تولة دهن عود من الزين كانت حطتنها اختي جنب مهد البيبي....عافان الله ناس مريضه....تقول اختي لو طلبته مني بعطيها..
    .

تابعي تجارب أخرى من هذا القسم.