بنات قطر والي عندها سؤال حياكن الله

البنت اللي ارسلت لي جزاها الله كل خيرررر يارب
بس ما اقدر ارد عليج فديتجججج لان بريدج ملييييييان فضي شوي :26: :26:

ريم ايقولون الفقع في الخراره

اولا انا لما قلت عن هالموسسه مب قصدي اني فعلا باتصل وببلغ وعلى فكره انا مشتغله في هالمجال وفي حقوق الطفل والموسسه هذي كانت عباره عن قسم صغير في موسستنا ولو تسمعين سوالف الاهل تشيب الراس...يصير اغتصاب من الاب ومن الخال والعم وبلاوي وايييييد بتعب وانا اقول عنها

واذا عن موقف اختج فبقول لج موقف صار في فتره قبل العيد اولاد امهم سكرت عنهم الباب عشان مايطلعون من الغرفه او بالاصح الولد مريض على كلام امه وهي ماتبي يطلع برا وقت البرد تدرين شسوا؟؟؟فتح الدريشه وطاح منها....تكسر والله احفظه ماصار فيه شي اكبر...ألله سلمه فلاتقولين اختي تحبسهم في الغرفه ومستانسه وانتي تقولين هالشي لان ماتدرين عواقب هالفعل.,....
والاطفال نعمه من رب العالمين واذا انتوا مب حاسين فيها اسالوا المحروم منها...او اسالوا ام فقدت ولدها...انا فقدت اخوي وكان صغير ولين اليوم متاثره والموضوع بيكمل 10 سنين انتي ماتدرين الضربه حتى لو كانت بسيطه بس ممكن تاثر عليه....
وعلى فكره جوونا ناس زياره اليوم المغرب وحدة وخواتها ومعاها بنتها متزوجة والبنت عندها ولد عمره سنه ضربته جدامي...تدرين شسويت خذت الولد عنها وعصبت عليها وقل لها شويه كلام والكل قاعد وامها تسمع...هي تقول اضربه عشان يتادب !!!يااهل عمره سنه يعرف؟؟؟َوبعدين انتوا تقولون ليش مااينضرب؟؟؟الحمدلله عيالي ماعمري ضربتهم والحمدلله مادبين ومحترمين الاكبر منهم ولا يلعوزوني وكلمتي يسمعونها ويحترمون الخدم وفي الصف ولدي دايما ستار اوف ذا ويك او سبيشل هلبر..بدون ضرب...اتبعوا معاهم اسلوب العقاب ممكن لكن ضرب لا

ميمي
الرسول قال نضربهم على الصلاه مب حركه او موقف سووه مساكين...وقبل كل شي تذكروا لما اهلكم يضربونكم قبل كنتوا تحبون هالشي؟؟او تتضايقون؟