تعالوا باركولي

الله يبارك لج و يثبته ان شاء الله :)

ماشاء الله تبارك الله .............. الف ألف مبروك ............. الله يرزقك الذريه الصالحه والحمل الثابت السليم

ألف ألف مبروووووووووووووووك حبيبتي ماشاء الله تبارك الرحمن شو الخبر الحلو اللا ايريح البال من الصبح والله عزيزتي استانست وايد يوم جفت اسمج وانج حامل الله ايقومج بالسلامة وايثبت حملج يارب

مشكورة فديتج أنا اللي يسعدني ويشرفني اكون اول وحده ترد عليج
والله يبارك في حياتج وعقبالكم إن شاء الله

أنا بصراحه مافحصت لا أنا ولا ريلي وأول ماكملت سنه من زواجي حملت
سبحان الله......... الله كتبلي اني ما احمل مدة سنه وبصراحه هالشي كان رحمه من الله
لأن ظروفنا كانت متلخبطه شوي أنا وريلي ولو كان الله عطانا ياهل قبل كانت ظروفنا تلخبطت اكثر
اللهم لك الحمد كما ينبغي لجلا وجهك وعظيم سلطانك

بس تصدقين من اسبوعين كنت راقده عدال ريلي واطالع ويهه واحمد ربي إنه عطاني هالانسان وخفف عني اشياء وايد في حياتي........ واقسم بالله اول مره في حياتي اقول من خاطري يارب انا راضيه اني ماحملت...... دام ريلي موجود في حياتي مابا شي من هالدنيا........ كنت دايما اقول هالكلام.... بس اول مره اقوله وانا صدق راضيه ومطمئنه لقضاء الله وقدره

وكنت دايما اردد "اللهم ارضني بقضائك وبارك لي في قدرك" هالدعاء قريته في موضوع وحده من الخوات وكان صدق هالدعاء يريحني........ حتى وانا سايره المستشفى عشان الفحص كنت اردده عشان ما ازعل لو شو ماكانت النتيجه...... والحمد لله إن الله رزقني

بداية الاسبوع اللي طاف كنت احس بألم فظيع في ظهري بس ما اهتميت وقلت هاي اكيد اعراض الدورة...... في نفس موعد الدورة نزل علي شوية دم وعقب وقف وكل اللي شفته بعدين افرازات

وحتى اني كنت ناويه اسوي خلطة عيون وليد ونزلت موضوع اسأل البنات إذا آخذ الخلطه ولا اصبر وكلهم نصحوني اصبر لين ماتنزل الدوره عدل........ ولما تأخرت الدورة 4 أيام قلت لازم افحص لأن دورتي منتظمه وماتتأخر....... وسرت على طول المستشفى.... قلت خلني اقطع الشك باليقين وبلا فحص بيت وخرابيط واسوي فحص دم اضمن واحسن....... وطلعت النتيجه بعد ساعتين من الفحص وكان احلى خبر سمعته في حياتي

على طول سجدت سجدة شكر لله......... وعلمت يقينا إن الله عظيم

الله يبارك فيج والفال لكم إن شاء الله