شاركي في النقاش

سجلي الدخول لإضافة تعليق.

التعليقات

17
  1. @mshroaa_fylsof

    ( الياقوت )
    مشكورات حبيباتي على الرد ولي عودة ان شاء الله
    الفضول عند الكثير من الحريم مشكلة ازلية .

    طيب اذا انت متأكده ولكن لاتملكين دليل وحتى لو ملكتي دليل زوجك يمكن مايتخذ اجراء .

    عندك كذا حل ولو انها كلها تقيد حريتك ولكن الشكوى لله .

    أولا ::: تقدرين تستفيدين من الوضع وتحسنين علاقتك فيهم.

    لاتذكرينهم بسوء حتى لغرض الشكوى

    وبكذا يحبونك اكثر و يطمئنون لك اكثر .


    ثانيا ::: لاتعطينهم هواهم .. ولا تحققين اهدافهم واقطعي الثابت واكتفي بالجوال ..

    بعد فتره يمكن يدرون ان عندك خبر ويستحون على دمهم


    ثالثا ::: تكلمي عادي بالثابت ولكن ارمي كلام مفاده انك داريه ان الخط مراقب...

    وانك ماتحللين ولاتسامحين من يتجسس علي مكالماتك .


    رابعا ::: تقدرين تسألين زوجك سؤال برئ خالي من التجريح عن كيفية معرفه مراقبة الخط..

    وانك تشكين ان الخط ممكن يكون مراقب من برا .. المهم يفطن للسالفة وعليه الباقي عاد .


    الله يعينك ويفرج لك :26:
  2. تأكدي اول لا تعتمدين على الظن ...
    إذا تأكدتي لاتكلمين على الثابت اقله الفترة ذي لحد ماتحسين ان مافيه احد ممكن يتصنت
    اكتفي بالموبايل
    مدري بنات انا قليلة كلام على التليفون والموبايل انتم مثلي او لا؟
    عشان كذا لو كنت مكانك مايهمني ...
    واصحك تقولين لزوجك زي ماقالت TAI CHI
    ردود البنات اعجبتني ماقصروا الله يجزاهم خير يارب

    الله يريح بالك
  3. @am_alkhmayl

    والله لو انا مكانك اعصب وادعي على اللي يتسمع بالمرض اللي ما يطيب وهو يسمعني...

    مرة واحد من الجماعة أوذاني من كثر ما يتصل ويقطعها وماكان فيه اظهار ذاك الوقت ولما طفشت قلت له: جعلك السرطان اللي ما يطيب ...سبحان الله بعد كم يوم رحت اسلم على اهله ومسكتني امه وقال استغفري وسامحي ولدي انا كنت ابغى امزح معك وما توقعت تعصبين!!!
  4. @alyakot_3

    صاحبة الموضوع
    هلا بنات والله ماقصرتوا بنصايحكم الله يجزاكم خير

    باالنسبه للمكالمات مثل ماقلتوا لي فتره اغلب مكالماتي على الجوال والثابت للكلام الرسمي فقط وفهمت اخواتي على هاالشي

    بس مازلت مقهوره على الايام اللي راحت لاننا كنا ناخذ راحتنا باالتيلفون وماندري اننا مراقبين

    بنات طيب كيف تكون طريقة المراقبه يعني هل هم ساحبين خط مثلآ او عندهم جهاز خاص يلقط المكالمات؟
  5. تاكدي ترى يمكن هذا وسواس من الشيطان يبغى يخرب بيتك المهم اذا كنت متاكدة لا تخبري زوجك لانك سوف تفتحي باب انتي في غنى عنه وسوف ترجع على راسك لان لايوجد معاك دليل واسرارك تكلمي بها في الجوال وادعي على من يتجسس عليك ان الله يفضحه عاجلا غير اجلا

تابعي تجارب أخرى من هذا القسم.