وش عودتي زوجك عليه ؟!؟ ( موضوع مفتوح للنقاش )

باناسبة لا الي انا مخطوبة عودت حبيبي انه يحبني وانه يهتم فيني كثير واني من اولوياته واني مسؤولة منه حتى قبل ما نتزوج عودته اني احبه جدا واني اعبرله عن هالحب وهو يقالبني بالمثل بعد عوده الحنية -هو في الاصل طيب جدا وحنون جداجدا بس ما يبين عليه --انا دايبة حنان عليه وابينله هالشي -اذا مرض او تعب ( بعيد الشر عنه) تلاقيني قلقانة وكل شوي اتصل اخدت الدوا -- اكلت -- اوصفله اعشاب ووصفات ويساويها او اني اجهزهاله واخدله ياها - عودته اني يحاكيني لحد مانام وانه يكلمنى قبل النوم ونحكي شو ساوينا وما ساوينا هيديك النهار واحيانا من التعب اروح في النوم وهو بيضل على الخط ( لانه بيشتغل في مناوبات ليلية فبيبقي بالشغل لعند ثاني يوم الصبح) وانا بشتغل الصبح بكير فمن التعب ما ادري عن نفسي انام وهو عم يحكي بس الحمد لله ما بيزعل بالعكس في مرة فقت لقيته بيكلمني وانا نايمة وانا نومي خفيف لقيته بيحكي حكي والله ما تصورته انه يكون رقيق بهالشكل ولما سالته انك كنت بتحاكيني حبيبي قالي لا حياتي انتي بتحلمي كثير -- واكتشف كمان اني بتكلم وانا نايمة وصار يبسطه هالموضوع ثاني يوم يضل طول الوقت يضحك على كلامي -- وانا مادري على حالي - عودته انه ما يطيق البعد عني -- اكلمه كل يوم اكثر من 5 مرات ونسال على بعض كثير ومواكبين احداث حياتنا مع بعض - انا اكثر من طبيعية معه--لدرجة اني بنسى انه لازم اكون متحفظة شوية بس هو حب هالشي وانا كمان- عودته انه يوم الخميس لازم غدا مع بعض - لازم بعد الدوام انه نتلاقى ونتغدى ونحكي ونحكي -- طبعا انا اتكلم اكثر منه - بس لما بسكت بيشتاق لي بيقلي شو - وين صوتك - ساكته -- ونسيني ؟؟؟؟هههههه==== ما اعرف هل ازعل او اضحك -- عودته انه يحس فيني كثير - عودته انه كل شي بحياتي كلها --واهم انسان عندي واني ما فيني اتخيل حياتي من دونه-- وعودته انه يكون السند لا الي بكل شي - وكمان سند لاخواتي - لدرجة انه بيغار عليهم ويحبهم كانهم اخواته - وهني كمان بيموتو عليه- عودته انه يحترمني ما يقول قدامي اي لفظ --وانا كمان - انتظمنا اكثر في صلاتنا وعبادتنا - قبل ما اعرفه ما كان منتظم على الصلاة - والحين الحمد لله احسن مني بكثير والله وكثير بيخاف الله فيني وفي كل افعاله- ولما يحكيلي على برنامج او درس ديني - بصير فرحانه كثير - قبل هيك ما كان فيه هالشي - واسمعله كثير كثير واحب اسمعله وانا عارفة انه بيحب هالشي فيني - لما بيحكيلي قصة بنسجم معاه لدرجة انها بتضل في بالي ولما بيجي موقفها بقله انه مثل هيديك القصة - فبطلع حبيبي ناسيها --هههههههههه؟؟؟ اموت عليه--عودته انه يدللني ويلبي كل طلاباته وانا بالمثل --عودته اني اساعده بالضائقات - وهو عم يعاملني بالمثل -

لكن بالمقابل فيني اكثير اشيا تغيرت من يوم الي عرفته فيه - صرت اكثر عقلانية ومتحفظة اكثر في تصرفاتي مع الناس رزانة - وصرت اكثر صلابه - في تعاملي مع المواقف الي تصعب علي مواجهتها - علمني الصبر على ما عندي - علمني انه احب نفسي - اكثر - علمني اني كيف اتعامل مع الناس والمضايقات - علمنى التروي - علمني كثير مهارات جديدة بالكمبيوتر - وبالشغل - فصرت من موظفة الى احسن ادارية -بالمكتب- عودني على اني ما اطلع لمكان لحد ما اشاوره واخد رايه واعلمه متى برجع لانه دقيق جداجدا في مواعيده - عودني انه ما اشتغل شغل ما راح استفيد منه او اشتغله لاحد ما يستاهله لاني كنت اشتغل شغلي وشغل غيري - عودني عليه - وعلى قهوته الي بتطير العقل من ايده جنان -جنان - بموت عليه لما يحضرلي القهوة - او يشتريلي هدية - حتى لو بسيطة - دايما لو قدملي اي شغلة - بحسسه انها فعلا غير كل الي عندي حتى لو كان عندي منها كثير - بس هاياه - هي الي احبها-( وبذكر الهدايا - الرجال يحبو انه نسوانهم يلبسو ويستعملو الهدايا الي اشتروها لهم بكل وقت - حبيبي لما بيشوفني لابسة اسوارة هداني ياها بعيد ميلادي - يبوسلي ايدي لانه حلوة في ايدي) والي مريحيني اكثر انه دوقنا واحد مع انه بيخاف من دوقي بس بعرف انه لو اشترالي شي راح يكون كثير حلوه -

بعرف اني طولت - بس بشكر الله انه بعد كل هالسنين الصعبة والظروف المستحيلة انه بعتلي انسان مثله يحسسني اني مرغوب فيها واني فوق كل الناس عنده ( الشعور بالامان) لا يوصف لما تحس فيه المرآة استحالة تتنازل عنه

واتمنى لكم السعادة يارب

وادعولي انه ربي يجمعنا عن قريب وييسر لي امري كله ويباركلي في كل ما اعطاني ورحمني ويرزقني انا ووالدي واخواتي وكل المؤمنين والمؤمنات الاحياء والاموات--
الهم اغفر لابي دنوبه واسكنه فسيح جنانك - يارحمن يارحيم

مع تحياتي

اتمنى ان اراه موضوع منفصل في المنتدى ليستفيد منه الجميع نظرا لاهمية النقاط المذكورة فيه.
جزاك الله كل خير.

كملو بنات متابعين لكم :)

كملوا والله متااااااااااااااااااااااااااابعه جالسه اسجل واحفظ بالوورد لحين اللزمه ..