قبر امي

قبر امي
_____

هنا سنتين من عمري اعيش وداخلي مجروح
هنا قلبي رحل عني وكثر الحزن قاسيته
هنا جرحي ترك دفتر مسجل به الم مفتوح
هنا قلبي رفض بعدك وغصب البعد خاويته
دخيلك ليه يايمه خنقتي صوتي المبحوح
دخيلك كيف هالدنيا تذل الشخص في بيته
كبيره صدمة الدنيا تجازيني كثير النوح
يكون آخرها حرماني من أغلى حب حسيته
فمان الله يايمه فمان اللي عطى هالروح
وداعك يصرخ بروحي وانا بالقلب خبيته
ياقبر امي اذا تسمح بجيلك لابغيت ابوح
بجيلك لانفذ صبري واحس العمر مليته
بجيلك واجلس قبالك واحط ايدي على هاللوح
واحس ايدي بايدين امي ياليته صدق ياليته

للشاعره ساره عبدالله

12 تعليق 2,624 مشاهدة

شاركي في النقاش

سجلي الدخول لإضافة تعليق.

التعليقات

12
  1. @a7b_omy

    الله يرحمهاااااااااااا ويسكنها فسيح جناااته
    وجمييع موتى المسلمييين ياارب

    تسلمييين لي روووعه

تابعي تجارب أخرى من هذا القسم.