شاركي في النقاش

سجلي الدخول لإضافة تعليق.

التعليقات

15
  1. 2700ريال فيها البركه باذن الله.
    لنفرض ان لامه 500+مصروف الطفل 500+السواق 500+ البنزين 200= 1700
    الباقي الف اين يذهب ؟؟؟؟؟؟؟؟؟؟؟؟؟؟؟؟
    وفرو قيمة الجوال , اقتصدو فيه .
    هل من الممكن ان تصرف في يوم واحد او يومين؟؟؟؟؟؟؟؟؟
    100 للصدقه + 500لمصروف البيت+400 للجوالات.
    لازم تتعاونو وتقتصدو.
    انا وزوجي بدينا من الصفر , كان راتبه الف واربع ميه,,, يعطي امه مئتين وترفض تاخذها واصريت عليها واخذتها وهي ليست بحاجة لها ولكن من بر بوالديه بر به ابناؤه.
    500كانت مصروف ابني ملابس وحفائظ وعلاجات.
    700مصروفنا البيت والاكل والملبس , والحمدلله ماحس ناقصني شئ.
    واحيانا ياتي احد زملاه ويخبره انه سيتزوج فيعطيه الف ريال ويبقى لنا 200والحمدلله تمشي, ولم ننسى الصدقه ولله الحمد , ووالله ان الراتب يبقى منه للشهر الذي بعده, الى ان وجد زوجي وظيفة عاليه ولله الحمد.
    وظلينا على هذا الراتب عده سنوات ثم فرجت من عند الله , اهم شئ اخلاص العمل , كثرة الاستغفار , والصدقة, والصبر , فان مع العسري يسرا.
    واسفة على الازعاج.
  2. @flower_blush

    التوفير يكون بالامور التاليه ..

    يبي ورقه وقلم وكتبي ...

    الملابس . حددي مبلغ لك ولطفلك في الملابس ولا تتعدى هالمبلغ .. ويكون قليل وحسبيها على مدى سنه كامله ..

    اكل المطاعم ... اكل بالبيت \ اذا بتطلعون حديقه او شي اخذو اكلكم معاكم من البيت

    الاجار اذا تقدرون تاخذون اجار ارخص .. بتقليل عدد الغرف \ مكان السكن وغيره

    التوفير بالماء والكهرباء .. اغلاق الليتات عند الخروج \ التلفاز وغيره

    التوفير في فاتوره التلفون .. تلفون عائلي \ استعمال المسنجر للمحادثات مع الاصدقاء

    التوفير في اقساط السياره .. اخذ سياره بسيطه

    التوفير في المواصلات .. يعني مثلا اذا تقدرين تروحين مع احد رفيجتج \ قريبه \ زوجج يوديج
    بتوفرين مبلغ كبير بالسنه

    الطلعات . الى سينمات او اماكن ترفيها ثانيه ممكن تبطلون تروحون وتروحون مثلا اسواق وماتصرفين شي بس للوناسه او حديقه او للبحر ..

    البدء بمشاريع صغيره تزيد مدخلوج اليومي \ الشهري \ او السنوي ..

    اذا كان زوجج مدخل يبطل تدخين لانها عاده مكلفه على مدى السنه الكامله ..

    الانترنت مو لازم دي اس ال \ كروت عائليه بتوفر وايد ..


    لا تنسين الصدقه فتح لباب الرزق .

    حاولي تخشين شهريا ما لا يقل عن 200$ لوقت الضروره .


    اغراض البيبي \ البيت من محلات الجمله اتفور بكميه رهيبه ..


    الاغراض الخفيفه الغير ضروريه والمكلفه مثل ميك اب \ شنط ماركات \ جواتي مع كل بدله \
    اكسسوارات \ وغيره استغنو عنها ..


    الاهم من هذا الدعاء لله سبحانه

    اللهم اغنني بحلالك عن حرامك واكفني بفضلك عن من سواك

    فاتح لابواب الرزق ..



    واخيرا ..

    اذا تبين توفرين لازم يكون عندج هدف وتبين تحققينه مثل اي هدف ثاني ..

    يعني تبين توفرين عشان تسافرين \ افتح بزنس \ اكمل دراستي \ حياه افضل \ عشان ولدي \ اشتري سياره وغيرها من الاهداف ..

    قعدي انتي وريلج قعدت مصارحه وجربي لمده خمس اشهر وراح تلاحظين الفرق ..

    وخلج قنوعه ولا اطالعين احد شنو عنده وشنو ماعنده وراح تكونين اغنى الناس ...


    :) وبس تعبت ..
  3. اول شي جولالك اقطعيه ولا تخلينه فواتير خليه بطاقه وكل شهر خليها ب50 الشحن ولاتكلمين واجد خليه بس للضرووووووووووووووووووووووووووره

    وزوجك نفس الشي يسوي حد ااتماني واقل شي 300ريال
    وال500لامه لا يقطعها وطالبوها بدعوه :)
    ومصروف البيبي قولي 500

    500+500+150فاتورة زوجك شهر+50جوالك=1200
    باقي 500 مثلا 200بقاله وثلاثميه تصدقي منها شوي
    والله ترى الصدقه تبارك الباقي
    والباقي ياوفريه يا يصير حق الزنقات
    واستغفرووووو بنية الرزق
    يعني استغفري مثلا 100مره بنية ان الله يرزقك ويبارك لك في فلوسك
    ولا تنسين مكافاتك حق الجامعه ساعدي زوجك فيها وخلي ايجار السواق عليك
  4. @am_ysofy

    صاحبة الموضوع
    شكرا حبيباتي
    انا اعرف انه واجبه يعطي امه
    لكن اللي يقهر انه لما يعطيها تحسسه انه واجبه
    وهويبر فيها بر غير طبيعي اخوه الثاني مايعطيها من راتبه
    يعني والله حاجه تقهر وسواق احس صعبه استغني عنه
    لانه يوديني جامعتي
    الحمدلله وضعنا كويس لكن قصدي اننا مانوفر يعني نجمع
    بس انا مااعرف ارتب الوضع وان شالله باحاول هالشهر
    اسوي ميزانيه ونمشي عليها

تابعي تجارب أخرى من هذا القسم.