شاركي في النقاش

سجلي الدخول لإضافة تعليق.

التعليقات

19
  1. @wt_ever

    انا دخلت الموضوع على طول من كثر ما انقهر على الطاري ... ما انفع اعطي نصايح بس يمكن تعلمين من اخطائي ..

    أول شي ما فيه شي افضل من الرضاعه الطبيعيه سواء للام ولا للطفل .. و عندي صديقتي ماشاء الله الله يحفظها وولدها قدرت تكمل معاه طبيعي مع إنها كانت تداوم بالجامعه .. و جسمها ماشاء الله رجع بعد سنه ( بعكسي انا )

    شوفي اول غلطه ارتكبتها انا ... بولدي الاول كان يصيح كثير و يتضايق وقت الرضاعه .. كان عموما من النوع اللي يبكي كثير و بما اني كنت صغيره و مافي اي نوع من الخبره سوت العايله الكريمه ضغط نفسي علي لين رضيت اعطيه مرضعه و كان توه مكمل شهر ... بعدها رفض تماما ارضعه :(

    ببنتي ... قاومت .. أول ثلاث اربع شهور رضعتها طبيعي .. و بما اني كنت اداوم جامعه بعد .. حاولت اشفط لها و ما اعطيها صناعي .. بس للاسف كل مره اشفط يقل حليبي يوم عن يوم .. ما ادري ليش مع اني كنت احرص على اكلي .. و كنت ما اعطيها المرضعه الا اذا كنت بالجامعه يعني مقلله الرضعات قد ما اقدر عشان ما تسوي مثل ولدي و ترفض ترضع مني بعد ما تتعود على المرضعه .. بس على الشهر الخامس تقريبا صارت لي ظروف اضطريت ازيد لها عدد المرضعات و اقلب صناعي لان صدري كل ماله ينشف ... و للاسف رفضت بعدها ترضع مني ...

    يعني الزبده .. لا تغلطين و تكثرين الرضعات يعني خليها بس وقت طلعتك و مو يوميه عشان ما يتعودون بعدها و تضطرين تعطينهم صناعي و توقفين الطبيعي ..

    يمكن يساعدك تعطيها ملهاه عشان تعود على الحلمه الصناعيه .. بس إذا إنتي لا موظفه ولا منحده على الطلعه بدونها .. نصيحه لو فيها عذاب استمري بالطبيعي ما فيه اهم من صحة البيبي .. و اذا على الطلعات بدون البيبي كلها كم شهر بعدها تدخلين الاكل للبيبي و بيقدر يعوض و انتي برا بالاكل .. و بالنسبه لرضعة الليل اعرفي انك بتتغربلين بالصناعي اكثر لان فيها مراضع و تنظيفها و تعقيمها و هذا بروحه قصه و الوقت الي بتقعدين تسوين فيه المرضعه و البيبي يصيح و بعدها حاله حال الرضاعه الطبيعيه بتقعدين ماسكه له هالمرضعه لين يخلص ... بينما مثل ما قالت الاخت قبل .. الطبيعي اسرع و اسهل ..

    إن شاء الله تستفيدين من خربطتي .. و الله يعيني وياج و يهدي موالدينا و يجعلهم صالحين مصلحين :26:

تابعي تجارب أخرى من هذا القسم.