يا بنات فيني اكتئاب حمل
احس اني وحيده محد يحس قيني
احس ان كل الي حوالي ما يحبوني
احس اني كله ابي ابكي
وابي اطلع من المكان الي انا فيه
مابي اشوف احد اعرفه
مادريوش فيني
زوجي مو متفهم وضعي
كله عباله زعلانه منه
صار لي مده كارهه ارقد وياه
وهو يتقرب مني بس من افكر اتعدل ارجع اتكيسل
مالي نفس بالجماع
وش فيني ؟؟
تعبت ابي حل
شاركي في النقاش
سجلي الدخول لإضافة تعليق.
التعليقات
3- انا امس كنت حاسه بحاله حزن وحده من الأخوات دعتلي دعوة صادقه ونمت وانا مرتاحه واليوم صحيت شوي اهون , حبيبتي حاولي تغيرين جو جددي شي في حياتج وقبل كل هذا ادعي
اللهم فارج الهم.كاشف الغم.مجيب دعوة المضطرين.رحمان الدنيا والآخره ورحيمها.أنت ترحمني فارحمني رحمة تغنيني بها عن رحمة من سواك.(كان من دعاء النبي صلى الله عليه وسلم)
*
*
الله يجعل لي ولك وللمسلمين من كل هم فرجا ومن كل ضيق مخرجا ومن كل بلاء عافية. - **ام عبووود
صلي ركعتين كل ماتحسين انك مكتئبه وادعي الله ان يفرج عنك واكثري من قول
(ياحي ياقيوم برحمتك استغيث )
وانشاء الله ماتشوفين شرا المشاركة المقتبسة غير متاحة.
الله يكون بعونك ويفرج لك وتولدين بالسلامه ويرزقك الله الذريه الصالحة تامة الخَـلق والخُـلق .
كللللل شئ تحسين فيه يجي مع الحمل عند بعض الحريم
ولكن
أولا ::: لاتستسلمين لهالشعور المزعج المؤلم اشغلي تفكيرك بأشياء كثيره .
ثانيا ::: اكثري من قرأة القرآن و اذكار الصباح والمساء والاستغفار .
ثالثا ::: اكثري من القرأه والاطلاع (القرأه تشغل الوقت وتعطيك شعور حلو ) .. اقرأي جرايد او كتب ..
روحي المكتبة واختاري مجموعه كتب تناسب ميولك واقرأي فيها .
رابعا ::: اشغلي نفسك بالنت .. ادخلي معنا للمنتدى وفلي الحجاج .
خامسا ::: اطلعي تمشي مع زوجك .. مو لازم كل الطلعات تكون بتخطيط مسبق ..
احيان الطلعات المفاجئة تكون اكثر روعه من غيرها .
سادسا ::: اذا مالقيتي شئ يشغلك حاولي انك ماتقعدين بلحالك ..
زوري امك او اخك او اهل زوجك او نادي صديقاتك بالبيت عندك .. المهم لاتستسلمين للوحدة .
سابعا::: لااااااااااااااااازم تجاملين زوجك ولاتحسسينه انك متغيره جدا
_ اظن ان زوجك فهم واستوعب جيدا الظروف اللي تمرين فيها ..
اذا ماله داعي تعيشينه جو الاكتئاب
ولاتكثرين الشكاية طول الوقت عشان لايمل وتفقدين تعاطفه معك _
ثامنا ::: من رأيي انك تروحين لطبيب نفسي ..
لاتهملين اكتئاب الحمل واذا ولدتي لاتهملين اكتئاب مابعد الولاده _ ان شاء الله مايجيك ولكن الحرص واجب _
طمنينا عليك يا اختي والله يوفقك ويمتعك بالعافية والنعمة الضافية
مواضيع مشابهة
تابعي تجارب أخرى من هذا القسم.