السلام عليكم ورحمة الله وبركاته ..
فيه عندي مشكلة محيرتني احب اطرحها عليكم واخذ رايكم فيها :
انا بنت مطلقة عمري 24 وعندي ولد عمره سنتين .. المهم انا كنت متزوجه ولد عمي وصار بينا ( عمل ) فرق ما بينا وافترقنا بسلام ..
الحين ولد عمي اللي هو زوجي سابقا بيتزوج وانا عن نفسي فرحانة له واتمنى له كل خير بس المشكلة احظر زواجه او لا ...
امي واخواتي رافضين بشدة اني احظر زواجه وحتى هم ما راح يحظرون .. لكن انا ودي احظر لاني اول شي ما انتظره يرجع لي وثانيا انا فرحانة له وما زعلت ابدا واهله طيبين معي جدا ويحبوني ويحبون ولدي ...
هل حظوري لزواج زوجي راح يكون محرج لي ؟؟؟
وهل يكون محرج لاهل العروسة وهم من معارفنا ايضا وصلتي فيهم طيبة ؟؟
انتم يا بنات حطوا نفسكم في مكاني وقولولي رايكم ..
ودمتم ...
الموضوع مغلق