شلة الفراشه الماسيه((اطفالنا اكبادنا 5))

اي والله لاتستعجلون على مشي اطفالكم لان حمودي من مشى مايعطيني وجهه مثل قبل دايمن يبي يروح ويجي على كيفه واحين حبيبي بدا يعرف بعض الاشياء ويقول اسمها مثل بالونه وبنانا وبمبم يقصد الكرة وشوز عاد شكله يجنن واهو يتكلم..
بس تصدقون ماحس اني ابي اييب طفل ثاني مادري يمكن ليحين مانسيت السهر والولادة انتو عندكم هالشعور والا بس انا ؟؟احس ان حمودي مكفيني واخاف اييب طفل ثاني وتقل محبة حمودي..

بسمة خجل
حمودي يستخدم بروجرس والحمدالله مناسبه وزنه ماشاءالله ممتاز اهو مربرب شوي الله يحفظه..

اماني
ماشر حبيبتي بس ضغط الشغل وااايد فماعندي وقت ارجع البيت هلكانه,,, ههههههه تسلمين ياقلبي اي لان انا توني منظمه لكم من فترة بسيطه ان شاءالله مع الوقت بتعرفيني انا فالبدايه اكون خجوله لكن اذا خذت عالواحد خلاص انسى نفسي وكله سوالف وضحك...

ريح النفل
إن شاءالله تطلع نتايجج سليمة ومافيج الا العافيه..

باقي الامهات
شلونكم وشخبار كتكوتاتكم؟؟؟

السلام عليكم
شخباركم كلكم وحشتوني موووت

انا الحمدلله على كل حال معاي سعال قوي جدا لدرجه ان ضلوعي تألمني وااايد
وحمادي الحمدلله بخير وديته الاستوديو قبل كم يوم ما كنت مقرره اخذه اصوره بس مرينا من عند الاستوديو قال زوجي يالله ندخل نصوره واليوم استلمتهم ياربي عليه يجنن في الصور الله يخليه لو تشوفوه جنن الفلبينية تضحك عليه من قلب حتى هي اختارت صوره قالت مدام هذي وايد تمام قلت لها اوكي خليها هو دايما يسوي هالحركه يقول اوووووو ويمد يده على الشخص اللي يكلمه اونه يخوفه
خساره السي دي للحين ما اخذته لاني طلبت يعملون لي تقويم عشان اخليه في بوكي وراه صورته ام محمد انصحج تاخذين حمادي ليه اذا ما اخذتيه للحين استوديو جيرcheer عرفتيه؟؟؟ اذا ما عرفتيه ادلج اياه

وبالنسبه لغرور حمود انا بعد حمادي كل يبي يركض ويعفس وما يقعد ولا لحظه اختي تقول شنو هذا من مشى ما شفت يقعد مكانه اشغليه في شي خليه يقعد وايد حركي الله يهداه
قلت لها والله اشغله العب معاه بالمكعبات ما يبي اشتريت له كتب فيهم صور يقعد شوي ويقوم قمت انا اقص صور من المجلات والصقها في دفتر كبير ومزينته ملونه فيه وراسمه تدروون شسوهه؟ قام يشق الصور يقول دادا وهو يشق وهكذا تقريبا كل الصور شقها وراحت تعبتي:(
وبالنسبة لبيبي ثاني الحمدلله حمادي مكفيني يقول زوجي بس بنت على الاقل تشبهج قلت له لا حمادي وبس الحمدلله لبعد كم سنه يفرجها الله:)

ام رسيل وانا بعد احاتيج مب عادتج جذي تسوين؟

ام غلا ان شاء الله غلا بتمشي قريب اهم شي مشيها عند الاذان ومبروك الفرش الجديد وعقبال فرش فيلتك:)

ام منوه شخبار منوه القمر والبر لا تنسين عاد المره الجايه تعزمينا معكم:)

ام نفل ما تشوفين شر الغاليه وان شاء الله النتايج تكون طيبة ونفل راح تتقبل الشغاله قريب هذا لانها مب متعوده ويمكن تغار لان تشوفج معاه على طول

ام خلود ان شاء الله توصل خدامتج قريب وتكون تمام والله يسهل عليج حملج

فنه اخبارك واخبار العيال؟ اجازه الحين صح؟؟

بسمه خجل كيف صار فصولي الحين ان شاء الله اوكي؟؟

ام شهد من الحين قاعده تسفهين لجوري حرام عليكي شذنبها انها اجت بعد 3 خوات ادري ان اول طفل ياخذ كل الاهتمام بعدين الثاني اقل والثالث مسكين ماله حظ انا اشوف خواتي وزوجة اخوي كذا فاذا هي تبي ملف افتحي لها ملف او اقنعيها ان تقعد معانا لان صراحه ما نستغني عنج يالقمر يا ام الحلوات


سوري اني رديت بشكل عام لاني قريت اليوم الصبح ويوم جيت ارد طلع المنتدى مشير والحين لسه جايه من بيت اهلي نيمت حمادي وابو الشباب وجيتكم قلت اسلم واطلع لا يقعد ابو الشباب وشوفني محد يقول هذي اللي تقول تعبانه سهرانه عالنت

يالله حبايبي تصبحون على خير الله يوفقكم ويرزقكم خير الدنيا والاخره
في امان الله

بنات ابشركم



واخيرا جمونه سوت حدث وتجديد في حياتها
خخخخخخخخخخخخخخخخخخخخخخخخخخخخ
ابشركم صارت تمشي

والله يعين راسي من اليوم الاحق فيها كنا طالعين لاستراحه والبنت انطلقت هناك ماجلست ابد وكل ماجا وحده من الضيوف تسالني ماشاء الله من متى مشت؟ وانا اقول والله اليوم توها ماشيه

هي كانت تخطي خطوات بسيطه بس ماتطول لكن اليوم ياحبي لها مدهره ياقلبي عليها والله بتنحف من كبرها عاد .............
بس يارب عقبال الاسنان ودي يطلع لها لو سن واحد تروعت من كلام الناس يقولون اذا وصلت لمرحله معينه تحتاج لجراحه عشان تطلع اسنانها.................

ام نفل
الله يطمنك بالنتايج الحلوه يارب
اخبارك مع نفوله؟؟؟؟؟؟؟
عادت الحياه الى بيتكم ؟؟؟؟؟؟؟؟

ام حمادي الف سلامه عليك والله يخلي لك حمادي ويرزقك بنوته قمر بس في الوقت اللي تحسين انه مناسب لك........
الفراشه ام محمد الله يعافيك على النصايح والله الشغاله شر لابد منه بس انتي خليها تجي..
اماني مشكوره ياقلبي عالنصايح الله لايحرمنا منك ياكبيرتنا وتاج روسنا .......

ام رسيل خير ان شاء الله؟؟؟؟؟؟