الفزعات يابنات الرياض لحقوا علي قبل لايجي العيد وأي وحده تعرف شي مفيد تتفضل

@nsaym_lyl_1

السلام عليكم يابنات الرياض
الحقيقة أني أعاني من مشكلة أني مألاقي ملابس كبري
يعني رحت محلات أطفال ما لقيت شي مناسب ورحت محلات كبار ماناسبني شي
أنا في فترة المراهقة وأبي ملابس تناسبني وعمري 14ـ15يعني بين وبين
ما لقيت شي دار راسي وأنا أدور بهالأسواق ..
رجاء أفيدوني وين ألاقي ملابس حق عمري ..
شكرا ..

8 تعليق 1,118 مشاهدة

0 0

شاركي في النقاش

سجلي الدخول لإضافة تعليق.

التعليقات

7

  1. @lhd_yklmny

    بالعكس بكل مكان تلاقي ملابس مراهقين بس انتي ماتنبشين زين يعني ماتدورين
    فيه تامي زي ماقالت الرساويه وهو بكل مكان صحارى - الفيصليه - العليا مول
    وفيه محلات كثيره للشباب والمراهقين يعني اللي تبين
    مثل جينفير ومثل مس سليفردج وستراديفيا ريوس
    وكلهم بكل مكان العليا مول - الفيصليه - صحارى - المملكه
    ويمكن تلاقين بلاسنزا قيرل مع اني اشوفه الحين صاير حق اطفال بس:27:

  2. @shynh_bs_kmr

    اهلييين نسايم ليل


    حبيبتي هذاك اول ماتلقين ملابس مراهقين


    بس اللحين فيه محلات خصيصا للمراهقين والفيصليه الدور الثاني اغلبها من هالمحلات زي اس اوليفر وغيررره:24:

  3. @bnt_alryad_4

    سلام

    اذا تبغين شي ثقيل..في العيسائي اللي بشارع العليا العام مقاسات ل 18 سنه وأشياء تجنن..أختي بعمرك ولبسها منه..

    والحين في طريق الطفل(لا تضحكين من جد ترى:27: ) اللي بشارع الأمير عبدالله آخر شي مكان الجزم وأنتي بكرامه أول..صار الحين للمقاسات اللي بعمرك..

    أتمنى أكون أفدتك....................:26:

  4. @nsaym_lyl_1

    صاحبة الموضوع
    السلام عليكم
    شكرا لكم أخواتي على التجاوب معي
    الصراحة أفدتوني جدا
    شكرا لكم
    الرساوية .. لحد يكلمني ..شينة بس قمر .. بنت الرياض ..
    شكرا لكم عزيزاتي شكلي أنا اللي مادورت زين
    إنشاء الله بروح على هالأماكن قبل مايجي العشر الأواخر
    تقبلوا تحياتي ..
    ولكم جزيل الشكر ..

  5. @sweety_1

    كنت باقول لك نفس المحلات اللي قالوها البنات :)
    ماشاءالله ماقصروا :)
    وبشرينا :)

تابعي تجارب أخرى من هذا القسم.