مكواة البخار .. اي شي تعرفينه عنها .. ؟؟ تجارب ؟؟ استخدامات .. ممكن تفيدينا !!

عندي كون اير لكن بصراحة المكواة التقليدية لا غنى عنها..
من عيوب البخار:
الثياب الرجالية و العبايات طويلة فراح تتعبي معها..
تتكسر ايدينك من مسكتها..
يبغى لك تمرريها كم مرة عشان يبان اثر الكوي..و عساه يبان..
احيانا ما يطلع البخار بشكل متدافع مما يؤخرك..
محاسنها:
ما تطلع لمعة مثل التقليدية
تنفع للأقمشة الصعبة..
تنفع للقطع الصغيرة مثل البلايز..

الخلاصة: اعطيها 3 من 10

السلام عليكم
اختي العزيزه انا بصراحة انصحج بها لانها افضل 100% عن المكواه العاديه لانها سريعه خفيفه وعمليه وتنفع مع كل الاقمشة لان ممكن اذا انتي ما حابه البخار طفيه وتصير عاديه كنت خايفه منها قبل لا شتريها لكن الحين ندمانه لاني ما شتريتها من زما ن ..........(سويتلج دعايه )
مكواتي ماركة brun

وبتوفيق

الأقمشة الرجاليه اللي صعب تنكوى ( الختم ، .. و من هالنوعيه )

جربت مره اكوي كندوره ريلي احسها ما نفعت لانه نوع القماش الختم و احسه غليظ وواقف و ما انكوت عدل عدل

العبايا و الشيل .. ؟؟
حق العبايا الصراحه توب لا تسوي ريحه و لاشي شرات الكوايه العاديه ماحب ريحتها :eek:
والصراحه فادتني في الشيل لانه اغلب شيلي فيها شغل وايد و ما تخرب الشغل و الكوايه العاديه تعدمه :09:

استخدامها يغني عن العاديه او لا ؟؟
لا يغنى عن العاديه

احسن الانواع .. ؟؟ تنظيفها ؟؟
الصراحه ناسيه اسمها يوم بسير بيتي بكتبلج الاسم :22:
ما تحتاج تنظيف وايد امسحها من برع و ابدل لها الماي بس

تنصحون بها او لأ ؟؟
انصحج فيها خاصه حق الحراير و الساتان و العبي صعب الكوي بالعاديه

تاخذ وقت اقل ؟؟
احس بسرعه و ما بتخافين على ثيابج انها تحترق :42: اذا كنتي مستعيله


أختج
:26:

أم روضه

انصحك بالمكوه البخار لانها خيال مره وتنفع احسن من المكوه العاديه ...اشتريت قبل 4 سنوات مكواه بخار ماركه OMNIA (امنيه) بحوالى 500 ريال بس دحين رخص مره

تنفع لكوي الثياب والغتر والاشمغه والعبايات وودايما اكوي بها الملابس الداخليه لزوجي واولادي لانه تعقم الملابس من الجراثيم وهذا معروف طبيا اما غلى الملابس واما ان تكويها بمكوى وانا مره ما استخدم البخار وطريقتي اني اكوي الملابس وهو مبلله والله روعه روعه وما يحتاج وقت طويل زي العاديه وميزتها كمان انه تكوى وانتي جالسه ما اتعب مو زي العاديه لازم اوقف وميزتها كمان انه احط مثلا ثلاث او اربع بلايز لبناتي فوق بعض وبكبسه واحده اكويهم كلهم واختصر الوقت وكمان انا اكوى الملابس بالطول مو بالعرض عشان ما يتكرمشوا مره ثانيه عليا ةفيها ميزه روعه انه لو نسيتي المكوى مولعه ورحتى تسوي شغله بسرعه تنطفي لحالها وما تحرق الملابس ابدا زي المكوى العاديه


وممممم سلامتكم ولى عوده ان شاء الله اذا اتذكرت شي

واي سؤال انا حاضره ان شاء الله

مشكوورة أم روضه .. انزين يعني هالكنادير بالكواية العادية ..؟؟ صح .. انا ابا شي يكويهن بسررررررررررررررررررررررررررعه .. عيازة :22:


يزاج الله خير:26: