مايرجع المقتول لقتل بدهان

ما أقول الا لا حول و لا قوة الا بالله

ان عفا فله الأجر العظيم و ان لم يعفو فله الحق

ولده و انقتل و الضنا مو رخيص
الله يكفينا شر حرقة القلب عالضنا

والله يا خواتي ودي اقول شي يقرقع في قلبي من سنين ..
بغض النظر عن من الغلطان وايش القصه الحقيقيه اللي مستحيل احد يعرفها غير رب العالمين ..
وبغض النظر عن سلوم القبايل والمخيمات اللي ينصبونها قبال بيت اهل الدم ..
وبغض النظر عن نزاهه الحكم و عدمه ..
وبغض النظر عن مكانه كل من القاتل والقتيل في المجتمع ..


اذا غضيت النظر عن كل ما سبق وعن اشياء ثانيه اكثر ..

والله والله والله ما اقدر الا اني اتحسب على من ابتدع الدياااات المهووووله اللي بالملا ييييين والهدايا والعطايا و المنح !!!
ايش هذا والله لو بعيد الشر انا في مكانه الدنيا ما تعدل ظفر ابني ..
سواء هو طلب ( انا هنا ما اتكلم عن قضيه محدده ..) او لا ,ايش قلوب الناس اللي تبغى تشتري دم الابرياء ..
قريت في جريده الاقتصاديه .. (عدد يوم الجمعة 5 صفر 1482هـ ص#30)
فى موضوع يتكلم عن القضيه( انا هنا اتكلم عن قضيه بدهان )
انو ابن دعيجا وهو من شيوخ قبائل الشرارات قال وبالحرف "تبرعت باعطاء قبلان احدى بناتي << مع رعيه من الابل المغاتير وتبعني كثير من رجال القبيله بالتبرعات بملايين الريالات والاراضي السكنيه والمزارع والقصور لوالد القتيل من اجل التنازل واستمر دورنا في الوجاهه والدعوه للعفو والصفح عن القاتل , وما زلنا مستمرين في طلبنا سرا وعلانيه "..
وكمان يقول الخبر ان الاديب سلمان الافنس أوضح ان المشايخ قدموا لوالد القتيل 50 مليون وغيرها من الاملاك ..
وعن العروض الماليه والعينيه قال : قدم عدد من شيوخ و اعيان قبيله الشرارات لوالد القتيل من جهة الشيخ فدغاش الخيال شيخ عشيره العزام من الشرارات مبلغ عشره ملايين ريال مقابل التنازل, فيما قدم بن فنخور أحد وجهاء القبيله مخطط الدعيجا السكني كامل مقابل إعتاق القاتل ..
( هذا وهو ولدهم أجل اهل بدهان كم بيعطون ؟؟؟؟؟؟؟؟)
وبعد ..
شدعووووه لو هم يفدون عنتره شيخ شباب بني عبس
والله ودي اكتب لا تعليق .. من كثر ما في خاطري من قهر وغيض ما توصفه كلمات ..
كل هالاموال المهوله ومخططات سكنيه وحتى بناتهم الله المستعان ..
هذا وهو حكم الله ولو كان غير كان صارت مظاهرات وبلاوي وشغل صعايده ..
سؤال واحد يا بنات اللي تعرف اجابته تكفى تقول لي ..
يجوز هالكلام؟؟؟؟؟
وين المشايخ والقضاه عن هالقضيه وغيرها اللي فيها اهل الدم يطلبون مبالغ خياليه ما يقدر على دفعها الا الملوك طبعا انتو عارفين قصدي..
انا اللي اعرفه ان مبلغ الدية معروف ومحدد شرعاً.
وآخر شي ...
تخيلوا طالما هم متبرعين متبرعين يوزعون هالملايين والاراضي والمخططات والابل المغاتير على المحتاجينهم صدق ..
على الناس اللي مو لاقيه تاكل واللي تنولد وتعيش وتموت في بيوت الاجار على الناس اللي لو اشتغلوا من عمرهم سنه لين يموتون ما جمعوا نص هالمبلغ على الارامل والمطلقات على وعلى وعلى ...
كان ولدهم وجميع المسلمين بأذن الله في الجنه ..


يا بختك يا حرمه قبلان عوضوك عن ثوب ابنك بضره و كم ناقه ..
عجبي..

اسألك بالله لو احد من اولادك او احد من اخوانك مقتول (بعيد الشر ان شاء الله )
بتعفين عن القاتل مستحيل خلاص حبيبتي القاتل يقتل وياخذ جزاه بالدنيا و
لو تدرين وش مسوي بدهان وقبيلته في الشراري كان مارحمتي بدهان مستقوين على الفقارا
انا كنت مثلك متحمسه لسالفته بس الحين خلاص كل واحد ياخذ جزاه احسن

انا بعد اقول ليه الاموال هذي يفتدون فيها شباب قتلوا بالخطاء واهل المقتول يطلبون الديه

قريت قبل ايام هنا واحد اسمه عبد المجيد وقاتل واحد واهل المقتول

يطلبون الديه وينهم عنه وهو عمره 16

الله يفرج عنهم كربتهم ويلهم اهل المقتولين الصبر

ياناس انتم وش بلاكم واقفين بصف بدهان
تقولون وش قسوة هالقلب عند قبلان مايعفي عن بدهان
ونسيتوا قسوة الجاني على القتيل وابوه
يجب ان يقام الحد على أمثال هؤلا
الدنيا ليست فوضى
وليرتدع كل مستهتر ومتعال
اذا علم بانه لن ينجوا
باعتدائه على محارم الله
وإذا أردتم الدعاء
فادعوا للجاني بالمغفرة والرحمة
وان يطهره الله من ذنبه باستسلامه لشريعة الله