اللهم لك الحمد والشكر......
بعد علاج من تأخر الحمل.......
بعد ما حسيت بأجمل شعور.....
حامل....وحام..تعب...حموضة....الخ ...ياالله...احاسيس رغم انها مؤلمة لكن ممتعة....كلها علامات استعداد الامومة
حركة البيبى وهى يبدأ يتحرك داخل بطنى....امال جميلة وخيالات...كل الاحلام..كل التفكير ..البيبى البيبى...الحلم الجميل انى حاملة البيبى فى صدرى اضمه بين ضلوعى ....اشمه وابوسه...امسك ايده والف اصابعه الصغيره على اصبعى....اتحسس بشرته الجميلة.........
خوفونى....من الشهر الخامس....اللى يقول البيبى ما بيكمل ابدا اكثر من اسبوعين واللى يقول حده شهر واللى يقول اذا كمل للشهر السادس بينولد ولادة مبكرة وبينزل مشوه وميت......كلهم خوفونى وما اقول الا الحمد لله
لكن استمر الحمل والحلم مستمر معاه....خلص الشهر الخامس ودخلت السادس والبيبى بينمو نمو طبيعى...صحيح نفس مشاكله موجودة......انعدام السائل الامنيوزى تماما...لكن البيبى بينمو طبيعى...خلص الشهر السادس والسابع والاطباء مذهولين!!!
املى بالله انه ما راح يضيع حلمى....كنت ادعى ربى وكل اهلى يدعون لى وامى شغلها الشاغل انها تدعيلى......كنت ادعى ربى ....انه يخلف ظنهم ويحفظلى جنينى...
بالسابع جاءتنى اعراض ولادة مبكرة لكن الحمد الله بالمستشفى لحقونى......ما خلينا دكتور ولا مستشفى فى ابو ظبى......على امل العلاج
بعد ما دخلت الثامن بايام وبعد ما الدكتور طمنى ان الحالة بدات تتحسن....السائل الامنيوزى بدأ يظهر! بعد انعدام 3 شهور! ياااارب يا كريم...وحاله البيبى من حيث المخ والقلب وغيره ممتازة....فقط القلق من الرئة
الامل كبر والحلم على وشك يتحقق! الله اكبر ولله الحمد
لكن بعد ساعة واحدة حسيت باالام شديدة ...ما اتوقعت انها ولادة....صرت اخذ مسكنات واحاول اراوح الحمام لكن الالام بتزيد وتيد الى ان ذهبت للمستشفى....بعدها ب 6 ساعات ولدت....ما صرخ مثل اى مولود....انصدمت..لكن قلت يمكن مجهد ...اخذوه ما رضوا يعطونى اياه ابدا...اخذوه على وحدة العناية المركزة.....شفته داخل الحضانة من وراء الزجاج.....اتمنيت احضنه ابوسه...او حتى المسه.....وين راحت احلامى؟؟؟؟؟ بعد ساعتين من ولادته.....قالولى والله اسفين...البيبى مات!!!!!!!!!!!!!!
مات؟ انا لله وانا اليه راجعون...صبرت واحتسبت....لكن ما قدرت امنع نفسى من البكاء.......حتى امى وزوجى.......ما قدروا ..صاروا يبكون وبحرقة....
ادرى انه كان مريض...وان الاطباء وضحوا لنا الحالة....لكن الامل والايمان بقدرة الله كان هو الغالب علينا....
جابوا لى اياه....فى عربة اطفال....ولبسوه ملابس جميلة......كان كأنه نايم مثل الملاك الصغير.ابدا مو كأنه مات
أخذته فى حضنى.....اااااااااااااااااااااااااااااااه يا ولدى .شئ كان يعصر قلبى عصر.امسك نفسى خايفة اصرخ ........اديش اتمنيت احضنه وابوسه واشمه واتحسس بشرته والف ايده على اصبعى....ما قدرت امنع نفسى انى اسوى كده.....لكن اهلى ما اعطونى فرصة.....دقائق واخذوه منى...خافوا على اتحسوا انى راح انجن!
اخذوه منى.....بكيت...صرخت فيهم خلوه فى حضنى بس شوى...شوى...هذه اخر مرة بلمسه
اخذوه منى وهو يبكون....اخذه زوجى وراح بعيد وصار يسوى نفس الشئ وهو يبكى ويصيح.......
طاف اسبوع من يوم ولدته وراح منى....اسبوع لكن أحسه 10 سنين...كل شئ اسود اسود....استفغرك اللهم واتوب اليك ....تجينى افكار تموتنى استغفر ربى واحمده واسترجع واحتسب.....امى تحاول تهون على...........لكن مافى القلب فى القلب
اللهم لك الحمد اللهم اجرنى فى مصيبتى واخلفنى خيرا منه
اهلى يخافون على يقولون انتى فى نفاس......اى نفاس!!!!
يبغونى آكل واغذى روحى.....حق شو؟؟؟؟انا ما برضع!
شئ واحد بيريح قلبى شوى.. صورته...ملابسه...ااااااااااه يا ولدى.....وربى ما كنت اتصور ان الضنا غالى بهالشكل....صدق انى ما لحقت...لكن شعور فظيع فظيع
ادعولى ادعولى ادعولى........اختكم بتموت من القهر
استغفر الله العظيم.........الحمد لله الحمد لله الحمد لله ولا حول ولا قوة الا بالله
الموضوع مغلق